MATHI 16:23 - OTSAO BAIBEL (BSI)

²³ Aküile hulaxle Jisu-e Pitar ang thüi: “Ku ha angkya atsai paoün, haxshix! Nange ku lom abangle; chemthüikoxle nange thütkya a khünak mongtex changle, Zang mongtex münchang.”

MATHI 16:23 ပူးပေါင်းရင်းမြစ်များ

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

KOLOSI 3:2

Hünzom kün-mong a, ikha tokya chaxwannu mwotkat to chichangle, chukha tokya mwotkat to ajingle koxthom lax.

MARK 8:33

Ikoxlechu Jisu-e chix wangshembu to aküile hu, ilaxle Pitar to sale thüi: “Bao, nang ku ha angkya paoün, chemthüikoxle nang mongjang Zang tokhange chichangle haxshix tokhange hüikya changle!”

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

JUHAN 6:70

Jisu-e hwom kax to lan: “Hünzom bün anyi kue kamle kopkya münchang dai hia? Ikoxlechu hünzom khama tuita a haxshix changle.”

KAXHO MÜIKYA LUK 4:8

Jisu-e lan: “Otsao Lai ma thüile: Nange Jowanpa, nang Zang tata to shwomlax; chix mwot tix moklax!”

PONGWANG LAIPEX 3:17

Üntoxle lükapa füichu chixe akax: “Nange nang kakonu kax ma laxle tüikya khoma, tamchu kue taxsax-ole kaxtom koxle thomkya pünziak saxkya bama, nang khokho ma haxtok to thuakzomle changdaoa; nang tsün-tsün ma nange ikha angkya sikngün laxle tix saxlaxle changüi.

ROM NOK HATO ZAKYA POL LAIZA 14:13

Idaile kemepi tata bama kaxfünkya zakünhax. Itülüi, nang mongto mongzangwünle tsuak angkya a ija changle: Nang tüi-hi-nao asuakya li, chichangba ochax to adüt angkya oli chemchu chimok angkya hanpakma.

1 PUKAX-PANGAO 21:1

Haxshix-e Israel khünaknu hato tingtui apüi angkya mongtsu, ilaxle chixe Dawid ang khünak huak akiakle chang angkya mongkho adünle kox.

2 SAMUEL 19:22

Ikoxlechu Dawid-e Abishai hia hotüi Joap hokhi ang thüi: “Nang mongtex owae lomkya? Nange ku mongthang ang tom ang hi? Athax Israel nok wanghompa a ku changpu, ilaxle anyix Israel khünak owachu mik-amüt angkya oli münchang.”

ISAIA 8:14

Ku a wün ang chitsuakkya otsao changkya khoma ku a tuita khünaknu chikho thule ngokya longnu ningle changpu; Judah hia Israel nok wangting tamchu Jerusalem tingnu angkya khünaknu aman angkya hanpakma ku a tuita kam thale thomkya changpu.

ROM NOK HATO ZAKYA POL LAIZA 14:21

Ma füikya mongong üitho tuita ochax to adüt angkya oli mwot chimok, müi-nyax chisax, ju-khan chilingle ibu füi atsai ngokya wüi tuita sukya mwot changpu.

MATHI 18:7

Chaxwannu hanpakma khompuatsi le; chemthüikoxle khünaknu ochax to adüt angkyadu olom tüihule! Ija ningle jento changle ngo angkya jao, ikoxlechu owa makhange ibu chang ang tompuix, chix maxsax.

MATHI 16:22

Ikoxle Pitar-e chix sele pao ilaxle sa ang süt: “Zange ija naxabax hüi, Jowanpa! Nang ija ningle chang ang müntom angkya changle.”