MATHI 16:18 - OTSAO BAIBEL (BSI)

¹⁸ Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

MATHI 16:18 ပူးပေါင်းရင်းမြစ်များ

ISAIA 28:16

Athax, ija a Jowanpa khüthak Zang-e akaxkya kax changle: “Kue Zaion ma othong mongkya tamchu oshing mongkya nui-ting tuita hanpak ang kue homkom-longnu tuita küile ngopu; ikhama ile zakya tüile, ‘Mongong shingmongkya a okuilole adukya chu changpu.’

KOLOSI 1:18

Chix a ma tsangtsa thüikoxle müimüithom ma okhang; chix a tsangtsa khüzün otong. Pangnu li to chix tata ang pongwang lükya chifün tüi angkya hanpakma, zidaokya chatle azangle azwotkya oput wangkya nao chix changle.

JUHAN 1:42

Ifüima Simon Jisu hato apüi. Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

EFISIA 5:32

Ija Otsao Lai kax ma angaikya huxsa zangwün a chongkya changle. Ikoxlechu kue Khrista hia chix müimüithom bama wünkya changpu.

EFISIA 3:10

Ija a, anyixkya tsün ma, müimüithom makhange kaxtaimix apün-awangkyabu hia ding angkya chaxwan tsakzongbue mama lom tokhange chix hwon-je tsingle lax angkya hanpakma,

WANWÜNKAX 24:7

Jekax-jengao a ongatbu zongto tsingle lax ang chithole tüile. Laxli zangwünle changpongma hwome lan angkya oli tuita müntüi.

JOB LAIPEX 38:17

Tütuechu nang hama owawae omang chaxwan nyetnui fülom ahodaicha?

MIKNGÜN-OHÜN 21:14

Ija tingnu katuk a thong bün anyi küilaxle zing; ibu ma Chun Hosa wangshem hwom bün anyi mün zale tüikya.

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

MÜNCHUAK-TSAI 9:13

O Jowanpa! Ku to chingchalax! Ku zanpabue ku sikangünkya to hule koplax! O Jowanpa! Ozik-omüt tokya ku khosünlax!

1 TIMOTHI 3:5

Chemthüikoxle khünak tuitae ma kako ngaxchu müile apu-achang ang chitho thüikoxle Zang müimüithom ning chemle apu-achang thoüi!

GALATIA 2:9

Jakop, Pitar üntoxle Juhan, hwom opang lompabu ningle ngopuix, hwome, Zang tokhange ku ang ija mwot koxle thomkya tsingle lax; ikhoma, kwom pangnu wüi üitho tuita ang achangle aho ang hwome Barnaba kukhi füi chak apong. Barnaba kukhie mixnokbu khato ilaxle hwome a Jehudi nokbu khato le Jowanpa mwottho ma süt angkya kwom mong notom.

MATHI 18:17

Ikoxle chixe hünzom kax machu chilaxle jangchangba, müimüithom hato ngaile laxkox. Ikoxle chixe müimüithom kax machu chilaxle jangchangba, chix a püntüi hia süisai mixbu thatha ma thomdao.

MATHI 11:23

Üntoxle nang Kaparnaum! Nang a zangkangting to nwonle thombae le texpuix nyi? Nang a haolum to tswonle awüt daoüi; chemthüikoxle nang hama mokkya ohünotün mwot Sodom nok ma mokpuix thüikoxba, ija anyix kople tüise.

MATHI 10:2

Ibu bün anyi mün a ile changpu: Owang angkya Simon, owa ang Pitar lechu wüi nyak; chix honao Andriw; Zebedi sasün Jakop hia honao Juhan nyi;

MÜNCHUAK-TSAI 69:12

Hwome tingjang lomnu to ku mowün, ilaxle jutok-saxngat mixe ku ajaole tsai zingle ngao.

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

1 KORIN 15:55

“Zik, nange anaokya ojong to tüi? Zik, nange thama angkya ojong to tüi?.”

ISAIA 38:10

Kue thüt ku tsünto to wüi sheol to ka ang laikya chang, chatle ku ozün ma münngotoxüi ngün.

ISAIA 28:6

Kaxfün mwot mokle ngokyabu ang chixe kaxfün tutex sukya faüi, ilaxle zansing chak tokya tingnu pan kho-awale thomkyabu ang mongchen koxüi.

MÜNCHUAK-TSAI 107:18

hwom a süt ngünkya khama ajong ang chitho ikhoma hwom a ziüikhakha.

2 SAMUEL 18:4

Wanghompa-e lan: “Hünzom zongto chem müile le hünzome ajangpuix kue ija moküi.” Ile chix khünakbu hajat hia hopong othom-othom ma achexle ka pongma chix zünkai zui ma ajong.

MÜNCHUAK-TSAI 127:5

Iningkya sanjunbu füikya khünak a mongmüi mix changpu. Chix to otuechu münlütüi chixe chix zanpabu kaxfün chitong ma apong pongmachu a.

MÜNCHUAK-TSAI 129:2

“Ku naosa ma tüitan tokhange wüi ku zanpabue ku to mongtsiktsik ma zothuple hüipu, ikoxlechu hwome ku to lüt ang chitho.

JONA 2:6

Ku a haxnubu tsingjukya khato jao jupu, otuechu pan ka chidaple hakle thomkya chaxwan to a. Ikoxlechu, O Jowanpa ku Zang, jithong tokya ku ozün ma achatfa.

MATHI 4:18

Jisu Galili Shinthuk-titung kax to ahamle ngopongma, Simon owa ang Pitar le nyak, ilaxle honao Andriw, jinu khato sha thuple nyax kople ngokya chixe ngün. Hwom a nyaxlwot mixbu changkya.

MATHI 7:24

“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.