MATHI 16:17 - OTSAO BAIBEL (BSI)

¹⁷ Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

MATHI 16:17 ပူးပေါင်းရင်းမြစ်များ

JUHAN 6:45

Ajepae ile zakya tüile: ‘Pangnusa hama Zange apuaüi.’ Owae Apa kax atatüi hex tamchu chix makhange awanle laxüi hex, chix tix ku hato nguile.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

1 JUHAN 4:15

Owawae Jisu a Zang Hosa changpu le jangngai thüiba, notom ma chix Zang füi tamchu Zang chix füi le ngole.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

JUHAN 1:42

Ifüima Simon Jisu hato apüi. Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

KAXHO MÜIKYA LUK 22:32

Ikoxle Simon, nang mongong thaile chinui angkya hanpakma kue nang bama jopdaoa. Ilaxle otue nang ku hato chatüihex, hüntüi-hünnao hwom ang nange zong adün angkya changle.”