MATHI 15:9 - OTSAO BAIBEL (BSI)

⁹ Ikoxlechu ku kax ningle, khünake zingkya wanlom kax, apua koxkya khoma; hwome ku shwomkya ma, lap chemchu müntüi!’”

MATHI 15:9 ပူးပေါင်းရင်းမြစ်များ

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

MARK 7:7

Hwome ku chishwombachu; khünak chakzing wanlombu hwome, Zang wanlom ningle, mix hama anwot anole.’

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

TITA 1:14

üntoxle hwome athaxpi Jehudi nok pupa zangwünbu tamchu otsingtsing wün ahaikya khünakbu tokhange hüikya khünak kaxtombu to mongle künlaxle chingoüi.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

JAKOP 2:20

Ikoxle, O anga! Mokkya mwot chitüi homtoxle mongong tata ma chem mwot müntüile nange ahose tsupuix nyi?

1 SAMUEL 25:21

Dawid-e chix mongto ajangle ngo: “Ipongpongkya faonu mongto kue ija mixsün tuina chemkhoma kho-wale thomkya dai? Kue chix kux chemchu ahuxle pao ang chitom, ikoxle kue chix to fongle hüikya olüix anyix ija mixsüne ku ang iningle oma mix koxpu nyi!

TSAITONG-KAXTONG 12:32

“Kue hünzom ang kaxtom fapupu pangwüi moklax; ija to janbo taxtüi chichangba ijakha angkya oli tuita chu awütle taxchang.

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

MÜNCHUAK-TSAI 73:13

Kue ku lualua to atsaole thomkya üntoxle kue ochax chilyenle ngokya a obato hia?

MÜNCHUAK-TSAI 39:6

chaxba tuita tha ngaxchu münchang. Keme mokkya pangnu chem angchu chichang; keme tuina athünpu, ikoxlechu ija owae koplaxüihex chitik.

LIWI 26:20

Hünzome azongle mokkya a muamax ang changüi, chemthüikoxle hünzom haxtoke oziak chidünüi; pün-zuabue oziak chiziaküi.

LIWI 26:16

kue hünzom ang sikngün faüi. Kue hünzom hato thama apüiüi: tamchimüi angkya kaklakbu tamchu khamle kakkya makhange hünzom ang mik aduak angkya ilaxle hünzom ozün ma ngokya chem olüi chitüile chang angkya, ibu hüi ang tomüi. Hünzome tsax saiüi ikoxlechu ija ma hünzom ang olüi chemchu chitüile changüi, chemthüikoxle hünzom zanpabue hüilaxle hünzom tingtaküi ilaxle hünzome zaile alai thomkya sax hwome saxüi.

MIKNGÜN-OHÜN 22:18

Ija laipex angkya jekaxbu atatkya pangnu füi wüi kue kaxfün koxle akaxpu: Owawae ibu to janbo langle jangchang thüiningle, Zange chix sikngün to janbo langle ija laipex ma tüikya thama faüi.

MALAKI 3:14

Hünzome thüipu, ‘Zang thothakya ma olüi chemchu müntüi. Chixe akaxkax mokkya ma chemtüi chichangba kwome chem mokdaopuix ija bama kwom thaikya ngaipu le Jowanpa hato aho ang azongkya ma chemtüi?

1 KORIN 15:2

Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

MATHI 15:10

Ifüima Jisu-e khünaknu chix hato nyaklaxle hwom ang thüi: “Apalax, tamchu tsingle koplax;