MATHI 15:31 - OTSAO BAIBEL (BSI)

³¹ Kaxux mixe akax ang tho, faishokle ngokya mix müi, chafai mix aham, mikduak mix mike ngün; ijabu ngünlaxle Israel Zang achuakle khünaknu abüt.

MATHI 15:31 ပူးပေါင်းရင်းမြစ်များ

MATHI 9:8

Ikoxle ija ngünkya zuma khünaknu othome, hwom zalaxle khünak ang ile tsakzong koxkya Zang ang münchong fa.

KAXHO MÜIKYA LUK 18:43

Ima wüi chixe ngün ang tho, ilaxle Zang mün achuakle chixe Jisu man to. Ija ngünlaxle khünaknue Zang ang münchong fa.

KAXHO MÜIKYA LUK 7:16

Hwom pangnu wüi abütkyae aban ilaxle Zang mün achuak. Hwome thüi: “Kem khama ajepa chongkya laiüna. Zang, chix khünaknu khosün ang nguile tüile!”

MATHI 18:8

“Nang chak chichangba cha tuitae nang mongong amüt ang jangtomba, ija düt laxle tswonle awütdao. Cha hia chak atomti le kop laxle haolum wünkham khato oshuk chitüi le shunle ngokya füi chikao chakkao ma othuithuima ozün ma ngo angkya kha alopkya wüi nang hanpakma amüikya.

MATHI 9:33

Ija haxshix chasa jwonle apaokya zuma, kaxux mixe akax ang tho. Ikhoma khünaknue abüt laxle thüi: “Israel haxtok ma ija ningkya ongaichu mangünkya!”

JUHAN 9:24

Ikhoma anaolechu wüi, mik aduakle ngokya müikya mixsün se ilaxle chix ma atüi: “Zang pomtho ma otsingtsing akaxüi le nange tsaodao! Nang mik amüile koxkya khünak a ochax khünak changpu le kwome awandaoa.”

KAXHO MÜIKYA LUK 14:21

“Da chatlaxle ibu pangwüi hopupa hama wün. Opupa ang mongma, ilaxle chixe chix da füi akax, ‘Momlax! tingjang angkya hia osam osyen to ngokyabu mixshix-zasa, chifai-chaknyai, miksut naba hia ofai oshokbu hwople apüihüi.’

KAXHO MÜIKYA LUK 14:13

Otue nange fongkhaüi hex, mixshix-zasabu, chifai-chaknyaibu, üntoxle miksut nababu ahyenkox;

MARK 9:43

Idaile nang chak füi nang mongong amüt ang jangtom thünba, ija dütle awütdao! Chemthüikoxle tamchu chimax le chuale ngokya okham-wün hia hwom saxkya chong otuechu chizi le ngokya,

MARK 7:37

Üntoxle atatkyakya pangnu wüi huanuma abüt. Ilaxle hwome thüi: “Chixe pangnu wüi müile mokdaoa. Chixe naba mixe atat ang tom tamchu kaxux mix ang akax ang tom!”

MARK 2:12

Ija khünak momle zo, chix lya kop, ilaxle hwom pangnu thüntho ma chix pao ang achex. Hwom pangnu abüt ilaxle Zang mün achuakle thüi: “Kwome iningkya tümangün tox!”

MATHI 21:14

Mik makya hia faishokle kakkyabu Zangshwom-Hom ma chix hato hüi ilaxle chixe hwom amüile kox.

MÜNCHUAK-TSAI 50:23

Münchong fakya a ku achuakle tö koxkya changpu, ku kax ma laxle tüikya pangnusa kho kue sünüi.”

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

LAIPAO 24:10

ilaxle hwome Israel nok Zang ngün ang kop. Chix chitong ma safir makhange zingkya, lomtang lailaile ngün; ija a zangdingkho ningle hingbütle tüikya.

PONGWANG LAIPEX 33:20

Chixe ikhama tö-tsap tuita tan ilaxle ijongkha ang Israel nok Zang mün ma El le nyak.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

MATHI 8:10

Ija kax atatlaxle Jisu abüt ilaxle chix füito azuile hüikyabu füi akax: Kue hünzom ang otsingtsing akaxpu, Israel khama kue chix bukux mongong füikya mix maatakkya.

MATHI 9:32

Ilaxle hwom laile paokya zuma, haxshix chasae kople thomkya kaxux mix khünakbue chix hato apüi.

MATHI 15:30

Chix hato khünaknu othom-othom huanuma ngui. Hwome cha faikya mix, mikduak mix, faishokle kakkya mix, kaxuxkya mix tamchu mama küjo-küjekya kaklak füikya khünakbu apüilaxle chix pomtho ma dan. Jisu-e ibu khünaknu kaklak amüile fa.