MATHI 15:14 - OTSAO BAIBEL (BSI)

¹⁴ Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

MATHI 15:14 ပူးပေါင်းရင်းမြစ်များ

KAXHO MÜIKYA LUK 6:39

Üntoxlechu Jisu-e hwom ang ija kaxpan akax: “Mikduak mix tuitae hozui mikduak lomzun ang chithoüi; ile changkoxle hokhi monyi wüi tswom khato dütüi.

ISAIA 56:10

Chixe thüi: “Lompabu pangnu, opange ku khünaknu azale changsepa hex, hwom a miksutbu changle! Hwome chemchu müntik. Hwom a hom nye ang thomkya chitwomkya hi ningle changle — hwome wünmang bama atse zaza ang awanle. Hwome jiple ngosele chemtukux tsupuix!

MALAKI 2:8

“‘Ikoxle athax hünzom zompu-zangpabu a sukya lomtang angkya cheile paopu. Hünzom hwon-nwot tokhange khünaknue huanuma ochax mok ang tompu. Kue hünzom füi Tsaotsüt laxkya hünzome amadaoa.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 42:19

Ku dapa to kaile mik apwomkya mix tüicha, ku mwot-tsan mix to kaile nabakya mix a?

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

2 PITAR 2:17

Ibu khünakbu a tizopünkya shuazan ningle changpu, tamchu zangchei füifüi to jeple aham ngokya zangfwombu ningle changle; zangnak-zuzukya khato Zange hwom ang nui achwonle thomle.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

HOSIA 4:17

Israel khünaknu a chapabu chajik-muashem fang ma tüile. Hwom ma lom to naxle-kox.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

ISAIA 31:3

Ijip nok a baozangbu chichang — hwom chuwüi khünak. Hwom manbu a zangkho tokya tsak-zong füi tüikya chichang. Chemtue Jowanpae moküihex, chongkya onok ngaxchu abünüi, ilaxle zong chitüikya onokbue fongkya chem angchu chichangüi. Okhi pangnyi wüi amütüi.

JUHAN 9:39

Jisu-e chix ang thüi: “Mike chingünkyabu ang ngün ang tom ang ikoxle mike ngünle ngokyabu ang apwom ang tom angkya kuxmale ku Ija chaxwannu to nguipu.”