MATHI 14:31 - OTSAO BAIBEL (BSI)

³¹ Ijama Jisu-e chix chak thui laxle chix kople thüi: “Nang mongong chitüikya muakya mix; nange büthüikoxle mongaopu?”

MATHI 14:31 ပူးပေါင်းရင်းမြစ်များ

MÜNCHUAK-TSAI 138:7

Chemtue ku to sikngüne akhop-khakle changpuix, nange ku kho sünle thom. Mongtsik ashukkya ku zanpabu füi nang alün ilaxle nang tsak-zong füi ku sünle kop.

MATHI 8:26

Jisu-e lan: “Hünzom ibukux büthüikoxle zapu? Hünzom ang mongong ibukux hixle hi?” Ifüima chix zolaxle zangchei hia tichap to sa. Ifüi tomle zingle dang.

PONGWANG LAIPEX 22:14

Abraham-e ija onui ang “Jowanpae Koxkya kha”, le nyak. Athax kople khünaknue “Jowanpa haxnu ma chixe kox” le akaxle.

MATHI 17:20

Chixe lan: “Ija a hünzom ma mongong anguile chitüikya khoma changle. Hünzom ma mongong suili tsang tukux ngaxchu jangtüi thüikoxle, hünzome ija haxhua füi akax tsuaküi: ‘Nang ikha angkya chukha to paoün!’ Ija ma ija haxhua paoüi. Ija ningle hünzome pangnu mok ang thoüi.

MARK 5:41

Chixe she chak ma twonlaxle she füi akax, “Talitha, kaum” thüikoxle “shekosa, kue nang zo ang tsanpu”, le thüikya tha.

MARK 1:31

Chix she hato hüilaxle she to chak ma sietle she azwot. Ima wüi thuile tundüne she dan, üntoxle she-e hwom to hume.

MATHI 16:8

Hwom zangwün tsingle lax ilaxle Jisu-e thüi: “Hünzome an chikopkya bama chem zangwün atsat ngopu? Hünzom ang mongong chemkuxma hixkoxpu!

ISAIA 63:12

Chix tsak-zong füi Mosa makhange chongkya-chongkya mwotbu mokle aho, tinu anyi ang achang laxle chix khünakbu tinu akaile le ang tomle oshuk chitüile chix mün fuale ngo ang tom, ija Jowanpa athax omaün?” Jowanpae lomzun to, hwom a fao manbu lailaile ojao chikho chiasua atingting khama sütle chang.

WANGSHEMBU MWOT 4:30

Khünaknu kak-lak amüi ang nang chak thuikox, ilaxle nange Messaiah ang zingkya Jisu mün ma khomtsikya hia ohünotün mwotbu mok ang tomhüi.”

KAXHO MÜIKYA LUK 24:34

“Jowanpa otsingtsingma chatle azangle zo le tüile, chix Simon hato laile ahodaoa!”, le hwome hokhi hama wün.

MARK 16:7

Hünzome paolaxle chix wangshembu tamchu Pitar hwom hama apuakox. Chix hünzom thoto achale Galili to paoüi; chixe hünzom füi akaxle toxkya ningle, ikhato hünzome chix ngünüi.”

MARK 11:23

Kue hünzom ang otsing tomtata akaxpu, opange ija haxhua ang: ‘Nang nwonün ilaxle tinu khato dütün’, le thüiüi hex tamchu mong ma aokya chitüi le, chixe chem akax puix ija changüi jao le ongpuix, chixe ija ile changkya ngün ang kopüi.

MARK 1:41

Jisu-e chingchale bang ilaxle chix chak thui, chix to po, ilaxle chix ang thüi: “Ku mongtsule, nang müiün!”

MATHI 6:30

Ikoxchu, O hidaole wüi ongkyabu; fao angkya fum oja anyix tüiwüi, ikoxle ngainyix a wünkha to zokdao angkya hex, ibu ang ngaxchu ibibile Zange aza-apuale koxkya jangchang thüikoxle, chixe ibu to nüile hünzom ang aza-apuale münfa puix nyi?

TSAITONG-KAXTONG 32:36

Jowanpae chix khünaknu khosünle kopüi chixe hwom ang janzüi müntüile ngünkya zuma a. Chix thothale changkyabu to chixe chingchakya tüiüi, chingcha ashukle hwom max-samle ngünkya zuma a.

1 TIMOTHI 2:8

Zangshwom tusox pangnu khato wüi lüka mixmüibue ochax, mongtsik hia kax ma alankya chemchu chitüi homle, otsao chak Zang hato nwonle zangjop koxle müisele kue texpu.

1 PITAR 1:5

Ibua, oshuk ma ngaile aho ang achwonle tüikya khosün bama mongong makhange Zang tsakzonge sünle thomkyabu hünzom hanpakma changle.

MATHI 14:30

Ikoxchu chixe zangchei ngünkya zuma zalaxle monghix, ilaxle chix ti mongto düt ang azong. Chixe akhong: “Jowanpa ku azün hüi!”

MATHI 14:32

Okhi khua ma dongkya füi shemle zangchei zakle dang.

MARK 4:40

Ifüima Jisu-e wangshembu ang thüi: “Hünzom itukux büthüikoxle zapu? Hünzom ang mongong ojao chitüi le büthüipu?”