MATHI 14:27 - OTSAO BAIBEL (BSI)

²⁷ Ima wüi thuile Jisu-e hwom füi akax: “Taxza, Ku changpu!”

MATHI 14:27 ပူးပေါင်းရင်းမြစ်များ

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

WANGSHEMBU MWOT 23:11

Ofüi ja Pol zuima Jowanpa ajong üntoxle akax: “Taxza! Nange ija Jerusalem ma ku bama kaxkhi fadaoa, ilaxle nange Rom tingnu machu fa angkya changle.”

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

ISAIA 41:4

Ija ile chang ang tomkya a owahex? Pukax ile achang angkya owa mong ma ajang tsuak? Ku, Jowanpa, a pongwang tokhange wüi ikhama tüikya, ilaxle ku, Jowanpa, kua oshuk kople ikhama ngoüi.

JUHAN 6:20

Ikoxle Jisu-e thüi: “Ija ku changpu, taxza!”

MATHI 17:7

Jisu-e hwom hato hüilaxle hwom to po le thüi: “Ajongün, taxza!”

MATHI 9:2

Züizüi khünake faile kakkya mix lya ma pai le chix hato apüi. Ijama Jisu-e hwom mongong ngünlaxle, faile kakkya mixsün füi akax: “Naosa, mong alüixlax, nang ochax thailak koxdaoa.”

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

KAXHO MÜIKYA LUK 1:30

Kaxtaimixe she ang thüi: “Meri, taxza; Zange nang to huanuma künle texle.

KAXHO MÜIKYA LUK 1:13

Ikoxlechu ija kaxtaimixe chix ang thüi: “Zakaria, taxza! Zange nang zangjop atatdaoa, ilaxle nang kakonu Elijabet e nang ang lüka naosa tüpuxüi. Nange chix ang Juhan le amün angkya changle.

MATHI 28:10

Jisu-e hwom ang thüi: “Taxza, kutüi kunao hwom ang Galili to paolax ta thüikox; ikhato hwome ku ngünüi.”

KAXHO MÜIKYA LUK 2:10

ikoxlechu kaxtaimixe hwom ang thüi: “Taxza! Ku ikha to khünaknu nok hato wüi mongmüi hüi angkya Kaxho Müikya füi nguipu.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

MATHI 14:28

Ikoxle Pitar-e lanle thüi: “Jowanpa, nang jangchangba kuchu nang hato titok to ahamle hüi ang tomhüi.”

MATHI 28:5

Kaxtaimixe shekobu füi akax, Hünzom taxza, hünzome pünsak ma takle langkya Jisu lompu le kue awanle.

MARK 6:50

Chix ngün pongma hwom pangwüi abünle za. Jisu-e thuile hwom to tsa: “Mong taxhix, ku changpu, taxza!”

KAXHO MÜIKYA LUK 5:10

Simon hozui, Jakop hia Juhan, Zebedi sasün nyichu ilewüi chang. Jisu-e Simon ang thüi: “Taxza! Athax makhange nang khünak kople ngo angkya mix ang achang angkya changle.”

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.