MATHI 14:19 - OTSAO BAIBEL (BSI)

¹⁹ Chixe khünaknu hingzang ding to thung ang tom; an khao aga hia nyax jang anyi koplaxle chixe münchong fale mohiman. Chixe ibu akhixlaxle wangshembu chak to kox ilaxle hwome khünaknu ang ahanle kox.

MATHI 14:19 ပူးပေါင်းရင်းမြစ်များ

KAXHO MÜIKYA LUK 24:30

Otue chix hokhi füi tomle fongsax ang thungpuix, chixe an kop laxle mohiman, ilaxle ija ashik le hokhi ang kox.

WANGSHEMBU MWOT 27:35

Ibibi akax füima, Pol-e chak ma hidaole an lax, hwom pangnu thüntho ma Zang ang münchong fa, ija ashik ilaxle sax.

MARK 6:41

Ifüima chixe ankhao hia nyax jang anyi chak ma kop, dingchi to angakle hu ilaxle Zang ang münchong fa. Chixe an akhix ilaxle khünaknu ang afanle kox ang wangshembu chak to kox. Chixe nyax jang anyichu wüi hwom pangnu ang ahanle asüt.

1 KORIN 11:24

üntoxle chixe münchong fa laxle chixe ija ashik, ilaxle thüi: “Ija a hünzom hanpakma ashixkya ku tsangtsa changle. Ku texle atak angkya hanpakma ile moklax.”

ROM NOK HATO ZAKYA POL LAIZA 14:6

Owawae hanpak nyix tuita to ataxle jangthüt thüiba, Jowanpa achuak achen ang mokpu; owawae pangnu li saxlingle changkya Jowanpa achuak achen ang mokpu, chemthüikoxle chixe süt hanpakma chixe Zang to münchong fale. Owawae oli tuita münsax le jangthüiba Jowanpa achuak ang mokpu, ilaxle chixe Zang ang münchong fale.

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

1 KORIN 10:16

Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.

KAXHO MÜIKYA LUK 9:14

(Ikhama khünak mixmüimüi hajat aga tukux tüikya) Jisu-e chix wangshembu ang thüi: “Khünaknu punyibün pong athomthom le ngo ang laxkox.”

MARK 7:34

Ifüima Jisu-e dingchi to hu, azax, ilaxle ija khünak ang thüi: “Efatha” (Ija a akaxkox le thüikya kax).

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

JUHAN 6:23

Jowanpa-e münchong koxkya füima khünaknue an saxkya tinu kax ma, ofüi nyix Tiberia chitokya mama khuabu hüi.

MARK 6:39

Chixe hwom ang khünak othom-othom ma hingzang ding to athung angkya kax kox.

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.

KAXHO MÜIKYA LUK 22:19

Üntoxle chixe ankhao kop, Zang achuak laxle ija ashik, üntoxle hwom ang koxle thüi: “Ija a hünzom hanpakma fakya ku tsangtsa changle. Ku texle atak angkya hanpakma ile moklax.”

KAXHO MÜIKYA LUK 9:16

Jisu-e an khao aga hia nyax jang anyi kop, ding to angakle hu, ibu hanpakma Zang ang münchong fa, ibu akhix, ilaxle khünaknu ang ahanle laxkoxle wangshembu chak to kox.

MATHI 14:18

Chixe hwom ang thüi: “Ijabu ku hato apüi hüi.”

KAXHO MÜIKYA LUK 22:17

Ifüima chixe wansa tuita lax üntoxle münchong koxlaxle thüi: “Ija koplax, ilaxle hünzom khama ahanlax;