MATHI 13:6 - OTSAO BAIBEL (BSI)

⁶ Ikoxlechu zanghane huakkya zuma, hwom khangtan tamchu otsing mongtang hax chitüi koxle ibu zanle zi.

MATHI 13:6 ပူးပေါင်းရင်းမြစ်များ

MATHI 13:21

Chemthüikoxle ija kaxho khoma aduk-athangkya apongkya zuma hwome ija kaxho ochwon ma danle tox.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

KAXHO MÜIKYA LUK 8:13

Long tüikya khato dütkya a; Zang Kax atatlaxle mongmüi tungle pongle kopkyabu. Ikoxlechu ija hwom mongto zule düt ang chikox; onox ma mongongle ngo laxle thwontsing hüikya zuma hwom dütle max.

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

MIKNGÜN-OHÜN 7:16

Hwom ang tamchatle wok münano, chichangba ti münalan; zanghanechu chichangba okham chemechu, hwom to münhuaküi,

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

MATHI 13:5

Tsaxtsang züita a hax aluile chitüikya longfix khato düt. Hax zule chitüi koxle tsaxtsang ibu lema akhang.

MATHI 13:7

Tamchu züizüi a fumkha to düt; ibu tsongle hüi ikoxlechu fume alumle amüt.

MARK 4:6

Ofüima zanghankya zuma ija khang tankya tsax nyemsabu to tüle huak, üntoxle zule otsing jukya chitüi koxle ochwon ma zilaxle ijabu zanle max.