MATHI 13:23 - OTSAO BAIBEL (BSI)

²³ Ikoxle owae kaxho atat, ija tsingle lax, ija ningle apuk atsatle changkyabu a, hax müikya khato dütkya tsaxtsang ojapange hopong, puzom pong tamchu tsübün pongle oziak dünpuix, ibu changpu.”

MATHI 13:23 ပူးပေါင်းရင်းမြစ်များ

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

MATHI 12:33

“Müikya pünziak kop angkya hanpakma hünzom ma owan müikya pün tüi angkya changpu; opün wan chimüikya pün ma hünzome oziakchu chimüikya kopüi. Pün a oziak makhange tix awan ang kople.

MATHI 13:8

Ikoxle züizüi a hax müikya kha to düt; ibu tüle owan müile tsong laxle züizüie hopong, züizüie puzom pong üntoxle züizüie tsübün pongle tsaxtsang dün.”

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

MATHI 3:8

Ija khoma ochax tokya mong chatkya aho ang chem mokse dai ibu moklax.

KAXHO MÜIKYA LUK 13:9

Ilaxle ija püne ngaizang oziak jangdün müihupu, ikoxle chiziak jangthüiba nange dakle awüt ang tsuak.’”

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

IBRI 4:2

Chemthüikoxle hwome mokdaokya lailaile keme Kaxho Müikya atatdaoa. Hwome kaxho atat, ikoxle ijae hwom to müikya chemchu chimok, chemthüikoxle otue hwome ija atat laxpuix, izuma hwome Ija mongong makhange pongle chikop.

2 THESALONIKA 2:10

ilaxle max angkyabu zongto chisumüile dyen-ngan angkya olom pangwüi twonüi. Hwom khosün angkya kuxma otsingtsing hia mongkün pongle chikopkya khoma hwom maxüi.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

FILIPI 4:17

Kue hingho pongse tsukya tata chichangle, hünzome chingcha ahokya to bole olap naxtüi le texpu.

2 KORIN 9:10

Khünak tuita ang ali angkya tsaxli ilaxle sax angkya sütle fakya a Zang changle. Ikhoma Zange nang ang nange küi-thwomkya tsuak tang tsaxli koxüi, ilaxle opün tsong-lo ang koxüi, üntoxle ija ningle chingcha aho ang nang tsuluakya tokhange huanuma puamün ang koxüi.

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

WANGSHEMBU MWOT 16:14

Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

JUHAN 8:47

Zang tokhange hüikya mixe Zang Kax apaüi; bachutix hünzom a Zang tokhange hüikya chichangkya daile hünzome chiapa angkya jao.”

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

MARK 10:15

Kue hünzom ang otsing tomtata akaxpu: Opange naosa tuita ningle Zang Wangting pongle chikop laxüihex, hwom ikhato ngui ang münthoüi.”

MARK 4:20

Ikoxle khünak mamabu a hax müikya khato saikya tsaxtsangbu ningle; hwome Zang kaxho atat, ija pongle kop, ilaxle oziak dün; züitae tsübün pong, züizüie puzom pong üntoxle züizüie hopong.”

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

EZEKEL 36:26

Kue hünzom ang tutex mongtsang hozün faüi. Kue hünzom ma tüile ngokya kax ma chilaxle künkhüi-mongdüi alaile awütüi ilaxle kax ma laxle tüi angkya künno-mongnaikya koxüi.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

IBRI 6:7

She tokma dütle wat ngokya zangwat ti lingkya üntoxle zaipupa ang lap kop ang koxle pünsa zuasa alaile fakya, ija chaxwannu to Zange mohiman hüi.

KAXHO MÜIKYA LUK 8:8

Üntoxle tsaxtsang züizüi a haxwan Müikya khato düt; ibu tsaxpün tsong ilaxle otsang hopong nguile saxto dün.” Üntoxle Jisu-e ashuk: “Nang ma na jangzaiba apalax.”