MATHI 13:22 - OTSAO BAIBEL (BSI)

²² Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MATHI 13:22 ပူးပေါင်းရင်းမြစ်များ

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

KAXHO MÜIKYA LUK 8:14

Fum khato dütkya tsaxtsangbu a; Zang Kax atatlaxle ngokyabu; ikoxlechu künthang mongdang üntoxle okop olwot tamchu chaxwannu mongmüi akhople hüilaxle hwom to alum, ilaxle hwom oziak otuechu mün ang chifa.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

MATHI 13:7

Tamchu züizüi a fumkha to düt; ibu tsongle hüi ikoxlechu fume alumle amüt.

KAXHO MÜIKYA LUK 12:21

Jisu-e ile akaxle ashuk: “Zang miksho ma a, chix ma chemchu chitüi, ikoxlechu ma hanpakma thanu juapa huanuma athünle thomkyabu hanpakma ija ningle changpu.”

MÜNCHUAK-TSAI 52:7

“Hulax, ma khosün hanpakma chix a Zang to chiongkya mix changle, itülüi chixe huanuma tüile ngokya tuina towüi mongongle ilaxle chichangchizangle tüikya ma chix khang azang angkya olom to hule.”

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

JEREMIA 4:3

Jowanpae Judah hia Jerusalem angkya khünaknu füi akax: “Mamokkya haxtokbu haxkhutle molax; huxpünbu khato hünzome otsangbu taxküi.

WANWÜNKAX 11:28

Ma tuina to mongong laxle ngokyabu a tso-hi-wa zit ma pünchak dütle paokya ningle changüi, ikoxle otsao khünakbu a zangtso pünchak mua müikya ningle changüi.

MÜNCHUAK-TSAI 62:10

Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

WANGSHEMBU MWOT 8:18

Wangshembue hwom khangkho ma chak danlaxle zangjop pongma Zange hwom ang Otsao Chasa koxkya Simon-e ngünle lax. Ikhoma chixe Pitar hia Juhan nyi ang ngun kox,

HWON-NWOT-JAONO 4:8

Ikhama chix tata ngokya mix owawa tüile. Chix ang sasün tuita chitüi, tüi-hi-nao tuita chitüi, ikoxlechu chixe nazak chitüile mwot mokle ngole, ilaxle ma ma tüinangkya füi mongzom tam chimüitox. Ma mongmüi ahaile toxle, ipongpong azongle chixe owa hanpak ang among ngopuix? Ija chuwüi laxli chitüikya changpu, —ilaxle chingcha ashukle ngokya olom changpu.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

MATHI 12:32

Üntoxle owae Khünak Hosa ajaole akaxüi hex, ija chix ang thailak faüi, ikoxle owae Otsao Chasa ajaoüi hex, ija chaxwannu machu tamchu hüiüi tüikya chaxwan tochu chix ang thailak müntüi.

MATHI 13:39

Ilaxle ijabu saile toxkya a bao changpu; tsax atukya a chaxwannu ashukkya changpu; ilaxle tsax züt mixbu a kaxtaimixbu changpu.

MATHI 13:40

Bao tsax afoxlaxle wünkha to zokle ashunkya ningle chaxwannu oshuk ma chang angkya changle.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

1 KORIN 1:20

Je-hwon füikya mix omaün? Tsingpa-manpa omaün? Athaxpongkya tsaipu-kaxpabu omaün? Zange ija chaxwannu je-hwon a ongat changpu le ahodaoa!

1 KORIN 2:6

Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

1 KORIN 2:8

Ija chaxwannu ma apün-awangkya opupuechu ija je-hwon chitsing. Hwome ija tsingkoxba fuazangkya Jowanpa takle chilangse.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.