MATHI 13:15 - OTSAO BAIBEL (BSI)

¹⁵ hwom ang khangkho samdaokoxle; hwom ang atat angkya na tütdaoa, ngün angkya hwom mik achik ngoüna. Ile chichang thüikoxle, hwome mik füi ngün ang those; ma nae atat ang those; ma kün-monge awan ang kopse; ilaxle hwom ku hato chatse; ikoxle kue hwom amüile fase, le Zange akax.’

MATHI 13:15 ပူးပေါင်းရင်းမြစ်များ

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

MARK 4:12

ikhoma; “Hwome tüle hukoxchu chitsingüi; tüle apakoxchu chiawan tsuaküi; Ile chichang thüikoxle, hwom mong Zang hato chatse; chixe hwom ang thailak koxkya tüise.”

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

JEREMIA 17:14

Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

IBRI 5:11

Ija bama keme wün angkya tüihule, ikoxlechu hünzom ang tongtik zahik le wünfa angkya a mwottsak tuita changle, chemthüikoxle tsingle lax ang hünzom huanuma wüi daile.

2 TIMOTHI 4:4

Otsingtsing to apakya lom tokya hwom anongle paoüi ilaxle hwome pupa zangwün to mongkoxle tüiüi.

WANGSHEMBU MWOT 7:57

Nguawangbu akhongle chak füi ma na ma zim. Ifüima ma lüile pangnu wüi chix füito thule zikle asox,

MÜNCHUAK-TSAI 119:70

Hwom ma tsing-wankya chemchu müntüi, ikoxlechu nang wanlom ma ku mongmüipu.

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

HOSIA 14:4

Jowanpae thüi: “Kue ku khünaknu tamchatle ku hato apüiüi. Kue hwom to mong makhange zongbakle mongkünüi; athax ku ang hwom füi mongtsikkya müntüiüi.

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

ISAIA 57:18

“Hwome chemle mokpuix kue ngündaoa, ikoxlechu kue hwom amüiüi. Kue hwom azuiüi ilaxle hwom to asunüi, ilaxle kue mongsomle ngokyabu mong asomüi.

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

KAXHO MÜIKYA LUK 19:42

“Nange anyixkha mongsom tüi angkya bama laxli awanle koppuix thüikoxba! Ikoxle athax nange ija ngün ang chitho!

WANGSHEMBU MWOT 28:27

Chemthüikoxle ija khünakbu ang, mongkho jao mangui; hwome ma na zimdaoa, ilaxle hwom mik achikdaoa. Ile chichang thüikoxle, hwome ma mik füi ngünse; hwom nae atatse; hwom kün-monge awanse; ilaxle hwom ku hato chatse, üntoxle kue hwom amüise.’”

WANWÜNKAX 16:30

Watyax-zonghakya khünak chingünle taxtüi; hwom ma tutex oma lita tüile.