MATHI 13:12 - OTSAO BAIBEL (BSI)

¹² Chemthüikoxle aluile tüikya mix ang koxüi ikoxle chix ang huanuma tüiüi; ikoxle chemchu chitüikya mix angkya a atüitüisa ngaxchu komle pao angkya changle.

MATHI 13:12 ပူးပေါင်းရင်းမြစ်များ

MATHI 25:29

Chemthüikoxle tüikya mix ang aluile faüi ikoxle chix ang onüi tüi ang kopüi; ikoxchu chitüikya mix angkya, chix ma atüitüi ngaxchu komle paoüi.

KAXHO MÜIKYA LUK 8:18

“Ijadaile, hünzome atatkya ningle khünzai lax; chemthüikoxle owama muale tüipuix chix ang aluile koxüi, ikoxle owama chitüipuix, chix ma tüipule texngokya sasa ngaxchu bakle paoüi.”

MIKNGÜN-OHÜN 2:5

Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

KAXHO MÜIKYA LUK 16:25

“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu.

MATHI 21:43

Anaolechu Jisu-e akax: “Kue hünzom ang thüipu; hünzom angkya Zang wangting paoüi ilaxle oziak müile alai ang tho angkya mix ang koxüi.

KAXHO MÜIKYA LUK 16:2

Ikhoma hopupae chix nyaklaxle chix ang thüi: ‘Nang bama kue atatkya chempang changkox? Nang mwot akiak-azyakkya ahohu, chemthüikoxle nange da akhokya ang owüi moktsuaküi!’

KAXHO MÜIKYA LUK 10:42

Meri-e wüi changkya lom zünle kopdaoa, ilaxle ija she angkya chipaoüi.”

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

MARK 12:9

Jisu-e atüi: “Jangchangba grep haxtok hopupae chemle hwonüi? Chix nguiüi ilaxle mwot mokmixbu pangnu langüi ilaxle ija grep haxtok a mama mix ang koxüi.

KAXHO MÜIKYA LUK 12:48

Ikoxle da owae hopupa mongtex chiawan ilaxle chak kopkya lima mok, chix to hidaole fitüi. Üntoxle opang ang huanuma koxle thompuix, hwom ma süchongle juüi. Chemthüikoxle owa chak to huanuma koxle thompuix, chixe hwom ma onüi juüi.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”