MATHI 13:11 - OTSAO BAIBEL (BSI)

¹¹ Jisu-e hwom ang thüi: “Zangkangting huxsa zangwün tsing angkya hünzom ang koxdaoa ikoxlechu khünaknu ang ija chifa.

MATHI 13:11 ပူးပေါင်းရင်းမြစ်များ

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

MATHI 19:11

Jisu-e hwom ang thüi: “ija kax a pangnusa hanpakmale münchang; ikoxle Zange ileo le koxle thomdaokyabu hanpakma changpu.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

1 JUHAN 2:20

Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.

MATHI 16:17

Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

EFISIA 1:9

Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

EFISIA 5:32

Ija Otsao Lai kax ma angaikya huxsa zangwün a chongkya changle. Ikoxlechu kue Khrista hia chix müimüithom bama wünkya changpu.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

KAXHO MÜIKYA LUK 8:10

Üntoxle chixe lan: “Zang Wangting bama huxsa je-hwon hünzom ang fadaoa, ikoxle mamabu hanpakma kaxpan makhange tix angaiüi; ikoxle hwome hukoxchu chingünüi, ilaxle atatkoxchu chiawanüi.

1 KORIN 15:51

Ija huxsa zangwün to otsing ma natha hüi: Kem pangnu wüi zi angkya le münchang, ikoxle oshuk nyazong mütkya zuma, mik ajepkya tukux momle,

1 KORIN 2:7

Ikoxlechu kue apukkya a khünak hato chiaho le pyen thomkya ikoxlechu ijae kem fuazang angkya hexo le chaxwannu mazing tanto wüi Zange tsuakle thomdaokya Zang je-hwon bama changpu.

JUHAN 6:65

Ilaxle Jisu-e thüi: “Ija khoma kue hünzom ang thüipu, Apae koxkya wüi chichang thüiningle hünzom ku hato owachu hüi ang müntho.”

1 TIMOTHI 3:9

mongong ma ngaile ahokya otsingtsing to khangka füi shingmong le kün angkya changle.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

MARK 4:11

Chixe hwom ang thüi: “Zang Wangting huxsa zangwün bama awan angkya hünzom ang koxdaoa; ikoxlechu kotok tokyabu hanpakma ijabu pangnu kaxpan makhange tix tsuakpu,

KOLOSI 2:2

Hwom mongchyene awangle tüi angkya kuxma ilaxle mongkün ma asüi angkya kuxma, ito khange changkya lom ma tsingwankya apüi angkya okhonguikya tuina bama mongao chitüi angkya kuxmale kue Ija mwot mokpu. Ija ningle hwome Zang huxsa thüikoxle Khrista chix tomtata tsingle laxüi.

EFISIA 6:19

Ku akax ang achwonle ngoponge Zange ku ang kaxho fale; Kaxho Müikya huxsa zangwün tsing ang koxle, ku mongchongle akax tsuak angkya kuxma ku hanpakmachu wüi jop-hüi.

1 KORIN 4:7

Hünzom owae süichappu? Nang ma atüitüi pangwüi Zange fakya münchang hichem? Jangchangba nangma tüikya hingho pangnu hingho chichangkya tukux nang ma tsaichong-kaxbong angkya chemtüi?

1 KORIN 4:1

Zang huxsa otsao to hume ang kamkya Khrista dabu changpu le hünzome kwom bama ajang angkya changle.

JUHAN 7:17

Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

ISAIA 29:10

Jowanpae nang a mik angux ang tomdaoa, mikngüt müile jip ang achwonle ngolax. Ajebu a khünaknu mik ang changsepa, ikoxle Zang-e hwom mik ma zimdaoa.

WANGSHEMBU MWOT 16:14

Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

ISAIA 29:11

Ajebu mikngün ohün pangwüi hünzom ang tsingang chitomle pyenle thomüi; ija a single thomdaokya laitün tuita ningle changüi. Nange ija e-ang mankya mix owawa hato pao ilaxle nang ang ele ahohüile jangtom, ija single thomdaokya chang koxle chixe münthole lanüi.

MATHI 13:10

Chix hato nguilaxle wangshembue thüi: “Nange kwom füi büthüikoxle kaxpan makhange akaxpu?”

MATHI 20:23

Jisu-e hokhi ang thüi: “Changpu hünzome ku pe makhange ling ang thoüi, ibachu ku tsaxchi hia ku nongchi ma owa thungüi hex, ija kam angkya ku ma chem olom müntüi. Ijabu ngwotnui a opang hanpak ma-ole Apae achwonle tüilaxpuix hwom kux changpu.”

MARK 10:40

ikoxlechu ku tsaxchi hia nongchi ma thung angkya kue faüi münchang; ikoxle ibu a opang hanpakma achwonle tüilaxpuix hwom ang Zange tix kox angkya changle.”

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.