MATHI 12:7 - OTSAO BAIBEL (BSI)

⁷ Otsao Lai-e thüile: ‘Kue laxse tsukya a tö koxkya münchang ikoxle chingcha laxse tsule!’ Hünzome ija chem ang thüipuix le awanpuix thüikoxba, chithaikya khünakbu tha hünzome münajao ngose;

MATHI 12:7 ပူးပေါင်းရင်းမြစ်များ

HOSIA 6:6

Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.

MATHI 9:13

Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

WANWÜNKAX 17:15

Sukya mix chisukya ang ahai chichangba chichang-chizangkya khünak azangle pao ang tom: ile changkya pangnyi thua wüi Jowanpa anule.

WANGSHEMBU MWOT 13:27

Ikoxle Jerusalem ma ngokya khünaknu üntoxle hwom lompabue chix a hwom khosünpa changpu le chiawan, tamchu nazakle nuikya foto ele ngokya ajebu kax hwome chitsing. Ikoxle hwome Jisu pongle chikop ilaxle langkya tokhange ajebu kax ibu otsingtsing ma changle otok to ngai ang tom.

MATHI 22:29

Jisu-e hwom kax to lan: “Hünzom a huanuma thaile ngole; ija a hünzome Otsao Lai kax hia Zang tsakzong chitsingkya khoma changpu.

MÜNCHUAK-TSAI 94:21

ilaxle thaikya chitüikya khünak mik max angkya kaxfün fale changpuix, iningkya chichangchizang kaxfün mixbu füi nang ang chem mwot chitüi.

JAKOP 5:6

Chem ngax chichangkya khünakbu hünzome ajao ilaxle langle awüt, ilaxle hwome hünzom to chiabax.

MÜNCHUAK-TSAI 109:31

chemthüikoxle chixe chitüi-chinang khünakbu kho-awale ilaxle hwom azik-amüt angkya bama tsaitsuak-kaxtsuak laxle ngokyabu chak tokya hwom khosünle kople.

JOB LAIPEX 32:3

Chix a Job zuikhui mixsün hwom azom füichu mongtsik. Hwome Job kax to lan angkya olomjao chiataktsuak; ijae sisile Zang-e a thaikya ang achang thom.

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

MARK 12:33

Khünake mong makhange tamchu tutex füi, tsakzonge abakle, Zang to mongkün angkya oli changle; ilaxle chixe ma tomzi to ma bütukuxle mongkün angkya changle. Müi langlaxle tamchu mama tö koxkya füi ngaxchu kaxtom ija anyi kax ma laxle changkya wüi tüichongpa changle.”