MATHI 12:42 - OTSAO BAIBEL (BSI)

⁴² Handünchi tokya wangchanu Sheba-e ija tsünthom füi kaxfün nui to ajongüi ilaxle ija tsünthom ajaoüi; chemthüikoxle chaxwannu oshuk tokya she a Solomon hwon-je to apa ang nguipu ikoxle hulax, Solomon füi süchongkya tuita ikhama tüile.

MATHI 12:42 ပူးပေါင်းရင်းမြစ်များ

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

MATHI 17:5

Chix akaxle ngopongma nyankya zangfwom tuita hwom khangkho to hüi; ija zangfwom makhange hwome kaxzing ile atat: “Ija a kue mongkünkya Ku Sasün changpu; chix füi ku mongzom müipu! Chix kax ma laxlax!”

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 WANGHOMBU 10:24

Zang-e chix ang koxkya je-kax to apa ang chaxwannu pangwüi chix hato nguisele tsu.

1 WANGHOMBU 5:12

Jowanpae chix kaxtsao thom ilaxle Solomon ang hwon-je kox. Hiram hia Solomon nyi bama muamüile ngo, ilaxle hokhie tata füi nokmüi zangwün tsuak.

1 WANGHOMBU 4:34

Chaxwantok angkya wanghombue chix hwon-je bama atat ilaxle chix tsai chix kax to apa ang khünakbu ngui.

1 WANGHOMBU 4:29

Zang-e Solomon ang ozangjang je to ataxkya thüt ang chitsuakle je-hwon kox.

1 WANGHOMBU 3:28

Chemtue Israel khünakbue Solomon kaxfün zing atatle changpuix, hwom pangnusa kün-mong towüi chix hanpakma tüle achuak-achenle thüt, chemthüikoxle ifüima hwome sukya kaxfün fale tsuak angkya Zang-e chix ang je-hwon koxle thomkya hwome tsingle lax.

1 WANGHOMBU 3:12

nange jukya kue nang ang koxüi. Kue nang ang je-hwon otax-onüi koxüi. Nang lailaikya mix owachu matüitox tamchu müntüitoxüi.

1 WANGHOMBU 3:9

Idaile nang khünaknu thakma kue sukya kaxfün fakya füi tamchu omüi hia oma ajatle awanle apün ang thokya lima ku ang je-hwon fahüi. Ile chichang thüiningle ibibikya nang khünaknu kue chemle apünthoüi?”

MATHI 12:41

Kaxfünkya nyix Ninewi noke hünzom ma kaxfele ija tsünthom ajaoüi; chemthüikoxle Juna-e hwon-ano koxle hwom ang mong alüix; ikoxle hulax, Juna füi süchongkya tuita ikhama tüile.

MATHI 12:6

Kue hünzom ang thüipu, zangshwom-hom füi ngaxchu süchongkya ikhama tüile.

TSAITONG-KAXTONG 30:13

Ija a molo tinu tachi towüi lechu münchang. ‘Kwome atatlaxle ija kax ma laxle tüi angkya hanpakma tinu tale paolaxle ija kwom hato owae apüile faüi?’ le hünzome atüingo angkya fang münchang.