MATHI 12:41 - OTSAO BAIBEL (BSI)

⁴¹ Kaxfünkya nyix Ninewi noke hünzom ma kaxfele ija tsünthom ajaoüi; chemthüikoxle Juna-e hwon-ano koxle hwom ang mong alüix; ikoxle hulax, Juna füi süchongkya tuita ikhama tüile.

MATHI 12:41 ပူးပေါင်းရင်းမြစ်များ

MATHI 12:42

Handünchi tokya wangchanu Sheba-e ija tsünthom füi kaxfün nui to ajongüi ilaxle ija tsünthom ajaoüi; chemthüikoxle chaxwannu oshuk tokya she a Solomon hwon-je to apa ang nguipu ikoxle hulax, Solomon füi süchongkya tuita ikhama tüile.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

ROM NOK HATO ZAKYA POL LAIZA 2:27

Zale thomkya wanlom koplaxle khwonzüt zom zingle wanlom amakya khoma, hwome tsangtsa khwonzüt zom chizing ikoxlechu wanlom kax ma laxle tüikya mixnokbue hünzom Jehudi khünakbu ajaoüi.

JUHAN 3:31

“Owa thak tokya nguipuix chix a pangnu thakma achongkya changle. Owa chaxwannu angkya hex chix a chaxwannu kux changpu. Idaile chixe chaxwannu kux füikya sütmwot bama zangwünle. Owa zangkangting tokya nguipuix, chix a pangnu thak tokya changle.

MATHI 12:6

Kue hünzom ang thüipu, zangshwom-hom füi ngaxchu süchongkya ikhama tüile.

JONA 1:2

Chixe thüi: “Ija chongkya tingnu Ninewi to paokox ilaxle ija füi akaxkox; ikha angkya khünakbu chemtukuxle chichang-chizangkyabu hex kue tikle ngole.”

JEREMIA 3:11

Ifüima, ku hato tok ahole paole samkoxchu mongong chitüikya she zongto nanaonu Judah füi she wüi sümüipu, le Israel-e ahokya kax Jowanpae ku füi akax.

JUHAN 4:12

Kwom hopa Jakop, owae kwom ang ija tiküi koxle toxpuix, ilaxle oja angkya chixechu ling ilaxle chixsu chixsabu angchu tamchu chix müibu angchu wüi aling, chix füi nang wüi achongkya hia?”

KAXHO MÜIKYA LUK 11:32

Kaxfünkya nyix Ninewi nok ajong laxle athaxpongkya tsünthom ajaoüi; chemthüikoxle Juna-e hwon anokya khoma hwom mong alex; ikoxle hulax, Juna füi ngaxchu süchongkya ikhama tüile!

MATHI 23:36

Otsingtsingma kue hünzom ang thüipu, ibu zothup thama pangnu hünzom athax pongkya tsünthom ma athütüi.

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

MATHI 16:4

Anyix ngainyixkya chemtukuxkya zünte tamchu Zang chitüikyabu hex. Hünzome münwan lomleo? Ajepa Juna münwan boma mama münwan hünzom ang münfaüi.” Ikhoma chixe hwom dantoxlaxle atsaile pao.

MATHI 12:45

ijama chix tamchatle pao, ma füi süshixkya mama chasa anüt laxlaxle nguilaxle ikhama dongle ngo; ifüima ija khünak a amipongkya füi ngaxchu sümakya ang achang. Chisu chitangkya ija tsünthom hanpakma ile wüi changüi.”

MATHI 12:39

Ikoxle chixe lanle thüi: “Chisu chitangkya hia Zang chitsingkya tsün thome ohünotün mwot lomle; hünzom ang a Juna ohünotün mwot boma mama münwan chemchu münfa.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

JONA 3:4

Jona ija tingnu akaile le ang süt, ilaxle nyixta tungta le ahamle chang füima, chixe khuapu: “Nyix punyi mong ma Ninewi a amütüi!”