MATHI 12:26 - OTSAO BAIBEL (BSI)

²⁶ Idaile baoechu ma ningkya hozui bao jangjwon thüiba, hwomchu wüi tata füi afanüi. Jangchangba chix wangting chemle ngothoüi?

MATHI 12:26 ပူးပေါင်းရင်းမြစ်များ

KOLOSI 1:13

Chix owae kem zangnak tsakzong chak tokya sünle kop ilaxle chix mongkün Hosa wangting to khosün laxle apüipuix;

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

MIKNGÜN-OHÜN 16:10

Ifüima aga lükya kaxtaimixe chix khong Ija müi tüntong ma thok. Müi wangting to zangnake alum, ilaxle hwom to kakkya khoma khünaknue male-le to tsüt,

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

MIKNGÜN-OHÜN 9:11

Othong chitüikya tswom nyekya kaxtaimix a hwom wanghom ang tüikya. Chix ang Ibri kax ma Abandon le üntoxle Grik kax ma Apolion (thüikoxle Ama angkya mix) le amün.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

JUHAN 16:11

kaxfün bama thaile ngo, chemthüikoxle ija chaxwannu wanghom hanpak ang kaxfün fadaoa.

JUHAN 14:30

Hünzom füi ku aluile akax ngo ang müntho; chemthüikoxle chaxwannu wanghom hüile ngole.

JUHAN 12:31

Ija chaxwannu kaxfün angkya athax changle; athax ija chaxwannu wanghom chilaxle awütüi.

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

MATHI 9:34

Ikoxlechu farisibue thüi: “Chix ang haxshix chasa jwonle apao angkya zong ija a bao wanghome koxkya changle.”

MATHI 13:19

Zangkangting kaxho atat ang a kop ikoxlechu chitsing, ibu a lomfo le dütkya tsaxtsangbu ningle changpu. Ipongkhae wüi haxshix nguilaxle hwom mong khato saile toxkya kaxho pale pao.