MATHI 12:25 - OTSAO BAIBEL (BSI)

²⁵ Jisu-e hwom mongto texle ngokya awanlaxle hwom ang thüi: “Chaxwan oja tata füi atsi ala laxle mathomthom le ngopuix, ija otsün lo angkya münchang. Tamchu oja tingsho chichangba kako ma tata füi ahe laxle othom-othom ma ahanle ngopuix, ija janle shu angkya changle.

MATHI 12:25 ပူးပေါင်းရင်းမြစ်များ

GALATIA 5:15

Ikoxle hünzome faomüi lailaile, tata to chakmok-janlangle jangchang thüiba, tahulax mi; hünzome otam chitoxle tata oli thuüi.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

1 KORIN 2:11

Khünake chix bama pangnu awankya a chix ma tüikya chix Chasa makhange tix changpu; ija lailaile opaktikle Zang thwonlop angkya a chix Chasa etix changle.

MATHI 9:4

Jisu-e hwom mongjang awanlaxle thüi: “Hünzome ma mongto iningkya oma büthüikoxle ajang ang koxpu?

ISAIA 9:21

Manasseh hia Efraim khünakbue tata to single changüi, ilaxle hokhi athütlaxle Judah to singüi. Itukuxle changkox-ngaxchu Jowanpa mongtsik münbaktox; athaxchu chix chak a hwom to sikangün ang ajong lüwüi tüile.

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

MARK 2:8

Ima wüi thuile Jisu-e hwom mongto texkya awan, ilaxle chixe hwom ang thüi: Hünzom mongto iningkyabu büthüikoxle texle ngopu?

MÜNCHUAK-TSAI 139:2

Kue mokkya komkaile nange tsingle laxpu; tsai-tokhange nange ku mongtex bakle awan laxpu.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

JUHAN 21:17

Jisu-e chix ma othom azom lekya machu atüi: “Juna sasün Simon, nange ku to künpuix nyi?” Chixe Jisu to mongkün puix nyi le othom azom ma akaxkya khoma Pitar ang mongtsik dong. Ilaxle chixe Jisu ang thüi: “Jowanpa, kue nang to künle le nange bakle awan ngopu.” Jisu-e chix ang thüi: “Nange ku chunbu tuxkox.”

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

1 WANGHOMBU 16:21

Israel khünakbu ahak-ahanle chang; züizüie Ginath sasün Tibni wanghom ang achangse tsu, ikoxle mamabue a Omri wüi naxngole thüt.