MATHI 12:20 - OTSAO BAIBEL (BSI)

²⁰ shonai mix füi jonai le tüi; fongmix chitüikyabu zongto, chix a chingchale tüile. Sukyae lütle machang tanto, chix azongle ngoüi;

MATHI 12:20 ပူးပေါင်းရင်းမြစ်များ

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

MIKNGÜN-OHÜN 6:2

Kue hukoxle man-tho tuita ngün. Ija man khoma ngale tüikya mixsün chak ma hapnu tuita tüikya, ilaxle chix ang khohom asünle kox. Chix zankat naomüi ningle zan to ka ang lai.

2 KORIN 2:7

Ikoxle athax a, mongtsik athukkya zuma aküile chihu le chix chatle nakmax le chix azün angkya hanpakma, hünzome chix ang thailak fa angkya ilaxle mong achen angkya changle.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

2 WANGHOMBU 18:21

Nange a Ijip noke nang to asunle faüile textüi angpu, ikoxle ija a acha pün kiathox ang laxkya thatha changüi, ija a pakle paoüi ilaxle nang chak to hukle laxüi. Chemtue owawae chix to mongongle changüihex, Ijip nok wanghompa-e ilele wüi hwonpu.”

MATHI 11:28

“Hünzom hünlix hünkya hia najuale maxkyabu pangnu, ku hato oman, kue hünzom ang nazak faüi.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

MATHI 11:7

Hwom chat füima Jisu-e khünaknu hama Juhan bama ile apua ang süt: “Hünzom Juhan hato faokha to pao pongma chem ngünüi le thüt? Zangwin to aloxle ngokya fumsa suisa ngünüi le thütpia?

LIWI 10:20

Ilaxle ija kax atatkya zuma Mosa ang mongzom müi.