MATHI 12:10 - OTSAO BAIBEL (BSI)

¹⁰ Hulax, chak faikya mix tuita ikhama tüikya. Jisu thaikya opong atak ang to-zi le ngokyabu züizüi ikhama tüikya. Hwome chix ma atüi: “Nazak nyix kak amüi ang chitho thoüi?”

MATHI 12:10 ပူးပေါင်းရင်းမြစ်များ

KAXHO MÜIKYA LUK 13:14

Ile Jisu-e nazak nyix kak amüikya khoma, Sinagok ma akhokya mixsüne mongtsik laxle khünakbu füi akax: “Kem ang mwot mok angkya nyix azok panle thompu; ijadaile kak amüi angchu iponge hüihüi, nazak nyixkha wüio le taxchang!.”

JUHAN 9:16

Farisi kha angkya züizüie thüi: “Ija khünak a Zang tokhange nguikya münchang; chemthüikoxle chixe nazak nyix wanlom münto.” Ikoxlechu mamabue thüi: “Ochax khünak tuitae ija ningkya ohünotün mwot chemle mok ang thoüi?” Ile hwom khakha ma wüi kax ma alanle ahan.

JUHAN 8:6

Hwome ija kax, chix tsünle, chix lang angkya chifün lomle akaxkya changkya. Ikoxle thung laxle Jisu-e chak-khi füi hax to za.

JUHAN 5:10

Ija khoma Jehudi nok pünpa-chongwangbue kak müikya mixsün ang thüi: “Anyix a nazak nyix changle, Idaile nange nang lya pai angkya kem wanlom füi apüikya mwot changpu.”

KAXHO MÜIKYA LUK 11:54

Ile chix aman angkya hanpakma oli tuita ma ngax thüichu chix thaikya atak angchale hwom azong.

MATHI 12:2

Farisibue ija ngünlaxle Jisu füi akax: “Hulax, ija mwot nazak nyix chimokse nang wangshembue mokle; ija a kwom wanlom füi apüile mokkya changpu.”

ZEKARIA 11:17

Eja laxli chitüikya chunnyetmix a maxdaoa! Chixe chix chunzyem danle toxdaoa. Achax-azankyae chix tsak-zong komkaile olithu angkya changle. Chix chak faishokle maüi, ilaxle chix tsaxchi mik asutle paoüi.”

ISAIA 32:6

Angae ongat zangwünüi ilaxle ochax mwot mok angkya ajangüi. Chixe chem mokpuix tamchu chixe chem wünpuix ibu a Jowanpa ajao-ahaikya changpu, ilaxle chixe woknuak khünak otuechu müntux ilaxle tilan mix ang ti alingle münchangtox.

JUHAN 5:3

Ija pompsabu ma kakmixbu tüle tüikya; mikduak, chafai tamchu faishokle kakkya, ibue ti aloxkya tanle ngo.

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

KAXHO MÜIKYA LUK 23:14

üntoxle hwom ang thüi: “Hünzome ija khünak ku hato apüipu, üntoxle chixe khünaknu chichangkya lom to zun le pao ngole le thüipu; athax kue hünzom thüntho ma atwon le anodaoa, ikoxle hünzom kaxfyet bama chix thaikya kha kue münatak.

KAXHO MÜIKYA LUK 20:22

Kwome Roman gowarnor ang süi kox angkya olom chichang hia changpuix kwom hama apua hüi?”

MATHI 19:3

Züizüi farisibue chix aman angkya hanpakma tsünle kax atüi angkya füi ngui. Hwome atüi: “Tüta khoma wüi changlax, ma kakonu apao angkya kem wanlom ma panle tüicha hex?”

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

ISAIA 59:4

Hünzom khwa to paole, ikoxlechu hünzome sukya kaxfün chikoptsuak. Hünzome ija tsetwon-zangwün to lüt ang bama kaxthai zangwün to mongongle ngo. Hünzome mix thomzün ang tom angkya hünzom mwot-lom mokle wüi ngo.

MARK 3:2

Jisu tuita mütkop mix ang achangse le tsukya khünakbu züita ikhama tüikya; ijadaile nazak nyix chixe ija mixsün amüi angcha hexle hwome soxlaxle khinle hungo.

JUHAN 7:23

Mosa wanlom chiama angkya hanpakma khünak tuita ang nazak nyix kha khwonzüt zom zingle kox angkya jangchang thüiba nazak nyix kue kakmix tuita amüi koxkya khoma hünzom ang chem mongtsik dong?