MATHI 11:5 - OTSAO BAIBEL (BSI)

⁵ Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

MATHI 11:5 ပူးပေါင်းရင်းမြစ်များ

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

ISAIA 29:18

Chemtue ija nyix nguile hüipuix, naba mixbue lai akhongle ekya atat ang kopüi, ilaxle mikpwompabu, opang zangnak fang to ngole hüikya hex, hwom ma mik zamüi ilaxle ngün ang kopüi.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

MATHI 21:14

Mik makya hia faishokle kakkyabu Zangshwom-Hom ma chix hato hüi ilaxle chixe hwom amüile kox.

JUHAN 10:38

Ikoxle kue ile jangmok thüikoxle, hünzome chiong koxlechu, hünzome ku ma Apa tüile tamchu ku Apa ma tüile le awan ang kop angkya kuxma, kue mokkya mwotbu to thüi ngaxchu onglax.”

JUHAN 10:25

Jisu-e hwom kax to lan: “Hünzom hama kue wündaoa, ikoxle hünzome ku to chiong; kue Apa mün ma mokkya mwotbue ku hanpakma kaxkhi fale,

JUHAN 5:36

“Ikoxle ku ma tüikya kaxkhi a Juhan-e fakya kaxkhi füi ngaxchu süchongkya changle, chemthüikoxle oja mwot moktsuak angkya zong Apae ku ang koxpuix, ija a, kua a Apae tsanle ajokya changpu lekya kaxkhi changpu.

JUHAN 3:2

Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

JUHAN 2:23

Kaitox Pangpwon tuke Jisu Jerusalem to ngui pongma chixe mokkya ohünotün mwotbu ngünlaxle khünaknue chix to mongong.

MARK 9:25

Khünaknu othom tuita hwom hato soxle hüikya ngünlaxle Jisu-e haxshix chasa to sale akax: “Nang kaxux hia naba chasa, kue nang ang thüipu ‘Chix angkya laiün ilaxle chix ma tam taxnop!’”

MARK 7:37

Üntoxle atatkyakya pangnu wüi huanuma abüt. Ilaxle hwome thüi: “Chixe pangnu wüi müile mokdaoa. Chixe naba mixe atat ang tom tamchu kaxux mix ang akax ang tom!”

MATHI 10:8

Kakmixbu amüikox; faikyabu amüikox; zidaokyabu azünkox; haxshix chasabu jwonle apaokox; hünzome amuale koppu, amuamua le laxkox.

MATHI 9:30

Ifüima Jisu-e hokhi ang kaxshing kople akax: “Mong ma koplax! Owawa hamachu taxwün!”

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

ISAIA 43:8

Zang-e thüile: “Ku khünakbu khwa to ngui ang ahyen kox. Hwom ma mik tüile, ikoxlechu miksutbu changle; hwom ma na tüile, ikoxlechu nababu changle!

MÜNCHUAK-TSAI 146:8

ilaxle miksut mixbu ang ngün ang tomle. Dütle ngoünkyabu chixe nwonle; chixe chix otsao khünakbu to mongkünle.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

2 WANGHOMBU 5:14

Ikhoma Naman Jordan to ju, chix lailai to ti to othom anüt ma sing ilaxle Elisha kax jaojaole chix kak tsaothale müi. Chix tsangtsa khwon a naosa tsangtsa khwon lailaile adom wüi adomle müile hüi.

2 WANGHOMBU 5:7

Chemtue Israel nok wanghompa-e ija laiza e-laxpuix, chix mongtsik ilaxle chix nyi akyet laxle thüi: “Kue ija mixsün kak chemle amüile naxfale Siria nok wanghompa-e thütlaxpuix? Chixe ku a ozün hia omang thakma tsak-zong koplaxle ngokya Zang changpule thütlaxpihex? Ija a chixe ku füi hyet lomkya atsingsho!”

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

ZEKARIA 11:7

Opange chun apüi ilaxle hangle changpuix, ibue ku hingchak shak, ilaxle ku a lang angkya chunbu nyetmix ang achangpao. Kue kiathox anyi lax: Tuita ang kue “Mongtsu” ilaxle ata ang “Notom”, le nyak. Ilaxle kue chunzyembu nyele ngo.

LAIPAO 4:11

Jowanpae chix ang thüi: “Khünak ang chix tun owae kox? Chix a kaxux hia naba mix ang owae achang? Chix ang ngün angkya mik a owae kox ilaxle mik asut ang owae tom? Ija a Jowanpa ku changpu.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

MATHI 11:4

Jisu-e hwom kax to lanle thüi: “Hünzom chatlax! Hünzome chempang atat tamchu ngün ang kop, kaxho ibu Juhan ang laxkox:

MATHI 12:13

Ifüima chixe ija chak faile kakkya mixsün füi akax: “Nang chak thuikox.” Ijama chixe thui ikoxle tüchi chak ningle ichi chakchu wüi otyatyale müi.

JUHAN 9:7

Ilaxle chix ang thüi: “Paolax, ilaxle Silom tiküi ma thün tsuxlax.” (Ija mün a paolax le tsankya tha). Ifüima chixe pao üntoxle so, ifüima chixe ngünle chat.