MATHI 11:26 - OTSAO BAIBEL (BSI)

²⁶ Changpu, Apa! Chemthüikoxle ile chang angkya a nang mongtex!

MATHI 11:26 ပူးပေါင်းရင်းမြစ်များ

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

EFISIA 3:11

Zange ija oshuk chitüikya chix chaktung füifüile mok; ija chixe kem Jowanpa Jisu Khrista ma tsuakle hüi.

EFISIA 1:11

Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.

EFISIA 1:9

Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

ROM NOK HATO ZAKYA POL LAIZA 9:18

Idaile chixe chingchase le texkya mix to Zange chingchale, ilaxle chixe mong akhüi ang koxse lükya mix ang chixe mong khüi ang koxle.

KAXHO MÜIKYA LUK 10:21

Iponge Jisu Otsao Chasa makhange mongmüi e awang, ilaxle chixe thüi: “O Apa! Ding-hi-hax Jowanpa! Hwontüi-jezaikyabu miksho ma nange pyenle thomkyabu chitsing-chiwan pomthoma ngaile aho koxkoxle kue nang mün achuakpu; changpu, Apa! Ile chang angkya nang mongtex changpu!

ISAIA 46:10

Chempang changle ngaipuix ibu bama kue pongwang tokhange wüi ajepu; chempangle chang angkya hex kaitanto wüi kue akax. Kue ajangkya mwot chichang homtoxle müile le kue thüipu, kue moküile mong ma texpupu kue moküi.

JOB LAIPEX 33:13

Khünak kaxthup-ngaotün to ojao chilan khatole, chemthüikya ma nange Zang ma kaxhux felaxpu?

KAXHO MÜIKYA LUK 22:42

Chixe thüi: “Apa, nang mong jangtsuba, ku angkya ija sikngün wansa paohüi. Bachutix ku mongtex münchang, ikoxle nang mongtex ma wüi naxchang.”

KAXHO MÜIKYA LUK 23:34

Üntoxle Jisu-e thüi: “Apa, hwom ang thailakkya tüikox; chemthüikoxle hwome chem moklaxpuix ija hwome münawan.” Ijama hwome nantak ilaxle chix-nyi chix-za hwom bama ahanle lax. Üntoxle khünaknue hule ajong.

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.

JUHAN 12:27

“Athax ku mongto jepale; kue chemle thüiüi? Apa, ija hanpak ku hato hüi ang taxfaünfa, le thüiüi le hia? Münchang, ija ziamong akaile le angkya hanpakmale ku ija chaxwannu to nguikya changpu.

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”