MATHI 11:25 - OTSAO BAIBEL (BSI)

²⁵ Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

MATHI 11:25 ပူးပေါင်းရင်းမြစ်များ

MATHI 21:16

Ikhoma hwome Jisu ang thüi: “Hwome chempang akax ngopuix nange atatcha?” Jisu-e thüi: “Atatle, ikoxle; ‘Okhongui le achuak angkya hünzome naosom hama apuale kox,’ le thüikya Otsao Lai kax hünzome ele maano hia?”

MÜNCHUAK-TSAI 8:2

ija a naosombue ngaole. Nang zanpabue chem chithüitsuak angkya khato nang ngole tüile; nang zongto tüikya mix nange abaxle.

MATHI 16:17

Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

2 KORIN 3:14

Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

WANGSHEMBU MWOT 17:24

Zang, owae chaxwannu tamchu ikhama atüitüi komle zingle alai laxpuix, chix a ding hia hax ma hopupa changle, ilaxle chix a khünake zingkya zangshwom-hom ma münngo.

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.

DANEL 2:23

Kue nang to shwompu ilaxle nang achuakpu, nang kwom pupa hwom Zang. Je-hwon hia tsak-zong ku ang nange koxpu; ku zangjop to nange lanpu ilaxle wanghompa hama chem akax angkya hex ija kwom hama nange aho fapu.”

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

KAXHO MÜIKYA LUK 22:42

Chixe thüi: “Apa, nang mong jangtsuba, ku angkya ija sikngün wansa paohüi. Bachutix ku mongtex münchang, ikoxle nang mongtex ma wüi naxchang.”

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.

1 PUKAX-PANGAO 29:13

Athax, kwom Zang, kwome nang ang münchong fapu, ilaxle kwome nang fuazangkya mün achuakpu.

2 WANGHOMBU 19:15

ilaxle zangjop: “O Jowanpa, Israel nok Zang, owa ozang füikya zünmok ding ma thungle tüipuix, Zang a nang tata wüi, nange tix chaxwannu wangtingbu thak ma apün-awangle ngopu. Nange ding-hi-hax zingle alaipu.

1 SAMUEL 2:18

Ipongma naosa Samuel-e Jowanpa thothale ngokya. Chixe otsao jaknyi nyilo tho.

PONGWANG LAIPEX 14:22

Abram-e lan: “Ding hia hax zingkya Taitax Jowanpa tunthoma kue tsaopu,

PONGWANG LAIPEX 14:19

Chixe Abram to mohimanle thüi: “Taitax Zang owae ding-hi-hax zinglaxpuix, Chixe Abram to mohiman hüi!

JOB LAIPEX 37:24

Ikhoma chix bama noknusa ang khosamkya to abüt angkya müntüi, ilaxle jetüi-hwonlangpu le ngokyabu chixe ahaile.

KAXHO MÜIKYA LUK 23:34

Üntoxle Jisu-e thüi: “Apa, hwom ang thailakkya tüikox; chemthüikoxle hwome chem moklaxpuix ija hwome münawan.” Ijama hwome nantak ilaxle chix-nyi chix-za hwom bama ahanle lax. Üntoxle khünaknue hule ajong.

JUHAN 12:27

“Athax ku mongto jepale; kue chemle thüiüi? Apa, ija hanpak ku hato hüi ang taxfaünfa, le thüiüi le hia? Münchang, ija ziamong akaile le angkya hanpakmale ku ija chaxwannu to nguikya changpu.

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”

1 KORIN 2:10

Ikoxlechu Zange kem hato chix Chasa makhange ngaile aho. Chemthüikoxle zukya Zang tutex to lünle Chasae pangnu lomle.