MATHI 11:20 - OTSAO BAIBEL (BSI)

²⁰ Jisu Khrista-e ohünotün mwot huanuma mokkya tingnu tokya khünakbu mong chialüix koxle, chixe hwom to sa ang süt:

MATHI 11:20 ပူးပေါင်းရင်းမြစ်များ

JEREMIA 8:6

Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

MIKNGÜN-OHÜN 16:11

üntoxle hwom to kakkya hia makchak khoma hwome zangkangting Zang thuakzom. Ikoxlechu ma ochax lom tokya hwom ang mong chichat.

MIKNGÜN-OHÜN 16:9

Tüle khamkya ija wün khame hwom to akhatle hat, ilaxle ibu thama thakma owae apünpuix, ija Zang mün to hwome thuakzom; üntoxle fuazangkya achuak achen ang hwom ang mong chichat.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

WANGSHEMBU MWOT 17:20

Nang kax züizüi kwom natat zongma khosamle apale, ilaxle ibu chem hanpak hex kwome awanse tsule.”

MARK 16:14

Ofüima bün büta fongsax ang thungle ngopongma, chix hwom hato laile aho; ilaxle hwome chiong homle mong tsakle ngokya khoma hwom to sa. Chemthüikoxle chix azangle zokya füima chix sün ngün ang kopdaokyabu kax to hwome chiong.

MARK 9:19

Jisu-e hwom ang thüi: “Hünzom a mongong chitüikya khünakbu changle! Ku hünzom füi tomle otukux naxngo le? Hünzom füi athongle ku otukux ngoüi! Naosa ku hato apüihüi!”

MATHI 12:41

Kaxfünkya nyix Ninewi noke hünzom ma kaxfele ija tsünthom ajaoüi; chemthüikoxle Juna-e hwon-ano koxle hwom ang mong alüix; ikoxle hulax, Juna füi süchongkya tuita ikhama tüile.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.