MATHI 10:6 - OTSAO BAIBEL (BSI)

⁶ Ikoxle Israel kako samle ngokya chunbu hato paokox.

MATHI 10:6 ပူးပေါင်းရင်းမြစ်များ

JEREMIA 50:6

“Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

EZEKEL 34:6

Ikhoma ku chunbu a haxnukhobu to samle aham. Hwom a chaxwan thünthün awangle chiakle pao, ikoxle hwom lomle atakkya mix owachu chitüi.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

MÜNCHUAK-TSAI 119:176

Chun samkya ningle ku samle ngopu; idaile nang dapa ku lomlax, chemthüikoxle kue nang wanlombu otuechu münahai.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

EZEKEL 34:8

Ku chemle khochisamkya ozün ma ngokya Zang hex, ija ningle hünzome ku kax to apakoxle müiüi. Chunnyetmix chitüikya khoma ku chunbu to faomüibue shingle lang ilaxle ibu sax. Ku chunnyetmixbue chunbu lomle atak ang chiazong. Hwome chun pak chitik homtoxle mapakpak tikle ngo.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 18:6

Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

EZEKEL 34:4

Hünzome shonaile changkyabu to humekya chitüi, kakle ngokya ang okak amüile chikox, thomzün maklax le changkyabu to lop-zingle chikox, samle ngokyabu lomle chiapüi, chichangba maxkya lom ang chipao. Itülüi thüikox hünzome ibu to zongzong ma laxle mok.

MATHI 18:11

Chemthüikoxle Khünak Hosa a maxle ngoünkya lom ang hüikya changle.