MATHI 10:28 - OTSAO BAIBEL (BSI)

²⁸ Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

MATHI 10:28 ပူးပေါင်းရင်းမြစ်များ

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

JAKOP 4:12

Wanlom fakya mix tamchu kaxfün mix tuita wüi, ija a Zang changle, owae sün ang tsuak ilaxle amüt angchu wüi tsuakpuix. Jangchang thüiba ma tomzi bama kaxfün fa ang nang owa changlax?

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

HWON-NWOT-JAONO 5:7

Nange wünmang chemtukux wüi ngün-ngo ünkoxlax, chilaxli mwot nange chemtukux wüi mokngo ünlax, chichangba nange zang chemtukux wüi wünlax, nang a Zang thuaza lüwüi ngo angkya changpu.

1 PITAR 3:14

Ikoxle sukya mwot khoma hünzome sikngün apong angkya jangchang thüiba, hünzom otukuxkya mohiman! Owa thuachu taxza üntoxle taxaban.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

IBRI 10:31

Ozün ma tüikya Zang chak ma dong angkya tüle zadün changle!

MATHI 10:26

“Idaile hünzom a khünak thua taxza; chemthüikoxle kotok to chingaikya lima chemchu alumle münthomüi, chitsingkya lima mwot chemchu huxsa ma pyenle münthomüi.

IBRI 11:35

Mongong makhange shekobue zidaokya mamixbu chatle ozün ma kop. Mamabue, sümüikya tsün ma chatle azangle zo angkya hanpakma, hwom pankya chilax ngo homle zothup le lang ang matsün kox.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”

MATHI 5:22

Ikoxchu athax kue thüipu, owawae matüi manao füi mongtsikle jangchang, chix a kaxfün nui to apüi angkya changle. Matüi manao ang ‘nang chilaxli’, le thüikya khünak a nguawangbu chitong ma apüiüi; tamchu matüi manao ang ‘mwot to chihüikya angapa’, le nyakkya khünak a omalum wünkham to le angkya thangma ma tüile.

JUHAN 5:29

Ilaxle opange müikya mwot mokdao laxpuix, ibu ozün ma tamchatle zoüi; ilaxle opange oma mwot mokdao laxpuix, hwom omang kaxfün ma anaole zoüi.

JOB LAIPEX 37:24

Ikhoma chix bama noknusa ang khosamkya to abüt angkya müntüi, ilaxle jetüi-hwonlangpu le ngokyabu chixe ahaile.

2 WANGHOMBU 17:39

Hünzome Jowanpa hünzom Zang, ku kax ma lax angkya oli changpu, ilaxle kue zanpabu chak tokya kue hünzom khosünle changüi.”