MATHI 10:14 - OTSAO BAIBEL (BSI)

¹⁴ Üntoxle owa kakoe chichangba tingshoe hünzom pongle chikop tamchu hünzom kax to na chitha le tüiüi hex, ikha dantoxdao ilaxle hünzom cha angkya labu ngaxchu hongle toxkox.

MATHI 10:14 ပူးပေါင်းရင်းမြစ်များ

WANGSHEMBU MWOT 18:6

Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

NEHEMIA 5:13

Ifüima kue ke ma thole ngokya nyi sik ilaxle sakle aho. Kue thüi: “Ija kaxtsao chithomkya khünak angkya tuina Zang-e ija ningle sakle awüt angkya changle. Zang-e, hünzom ma atüitüi komkaile tswonle paoüi ilaxle hünzom a chemchu chitüile chak hua ma dantoxüi.”

WANGSHEMBU MWOT 13:51

Pol hia Barnaba nyie hwom ochax hwom ma wüi bang angkya münwan ahole hokhi cha angkya haxbu hongle tox ilaxle Ikoniam to pao.

KAXHO MÜIKYA LUK 9:5

Ojong khato khünaknue hünzom pongle chikop üihex, ija tingsho dantoxdao, ilaxle hwom nak-khünlax ang hünzom cha angkya labu ngaxchu hongle toxdao.”

MARK 6:11

Khünaknue hünzom pongle chikop chichangba hünzom kax to na chitha, iningkya ting-hax to janghüi thüiba ikha dantoxdao ilaxle hünzom paoüima hünzom cha angkya haxbu ngaxchu hongle toxdao. Ija a hwom hanpak ang kaxkhün tuita ningle changüi.”

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

JUHAN 13:20

Otsingtsingma kue hünzom ang thüipu: Kue mwot tsanle apaokya mix owae pongle kopüi hex, chixe ku pongle kopkya changpu; ilaxle owae ku pongle kopüi hex, chixe ku tsanle ajokya mix pongle kopkya changpu.”

MARK 9:37

“Ku mün ma owae ija ningle naosa tuita pongle koplaxpuix, chixe ku pongle kopkya changpu; ilaxle owae ku pongle koplaxpuix, chixe ku tata pongle kopkya münchang ku tsanle ajokya mix pongle kopkyachu changpu.”

MATHI 18:5

Ilaxle ku mün ma iningkya naosa tuita owae pongle kopüi hex, ija a ku pongle kopkya changpu.

KAXHO MÜIKYA LUK 9:48

ilaxle hwom ang thüi: “Ku mün ma ija nao owae pongle kopüihex, ku pongle kopkya changpu; üntoxle owae ku pongle koppuix chixe ku tsanle apaokya mixchu pongle koppu; chemthüikoxle hünzom khama ahixkya opupu hex, pangnu füi achongkya chix changpu.”

MATHI 10:13

Ija homkha angkya khünakbue hünzom pongle jangkop thüiningle, hünzome hwom ang fakya salam hwom ma wüi naxngo kox; ikoxle hwome hünzom pongle chikop thüikoxle, ija salam hünzome wüi chatle laxdao.