MATHI 1:21 - OTSAO BAIBEL (BSI)

²¹ She-e sasün tuita puxüi; nange chix ang Jisu le amün angkya changle; chemthüikoxle chixe ma khünaknu hwom ochax tokya sünüi.”

MATHI 1:21 ပူးပေါင်းရင်းမြစ်များ

WANGSHEMBU MWOT 13:23

Chix kaxtsao ningle Zange Israel khosün mix ang achang angkya, Dawid homjen makhange hüi angkya mix a ija Jisu changkya.

WANGSHEMBU MWOT 4:12

Khosün a chix lan makhange tix ataküi; chemthüikoxle chix mün makhange kem khosün angkya hexo le zangfang ma Zange chatle owa münchu koxle thomkya müntüi.”

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!

1 JUHAN 3:5

Khrista a ochaxbu pao ang ngaipu, üntoxle chix ma ochax chemchu chitüi, ija hünzome awanle ngopu.

KAXHO MÜIKYA LUK 2:21

Hatdang tuita füima, naosa Khwonzüt-Zom zing angkya hanpak nguile hüikya zuma, chix wok ma tüiüi tho towüi kaxtaimixe koxle toxkya mün ma, chix ang JESU le amün.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

KAXHO MÜIKYA LUK 1:31

Nang ma nao tüiüi ilaxle nange lüka naosa tuita puxüi, üntoxle nange chix ang JESU le amünüi.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

KAXHO MÜIKYA LUK 2:11

Anyix kha Dawid tingsho ma Jowanpa Khrista hünzom khosünpa puxle tüile!

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

PONGWANG LAIPEX 18:10

Hwom kha angkya tuitae akax: “Athax makhange lyetkua aku mong ma ku tamchatüi, ilaxle nang kakonu Sarah-e sasün tuita ngünle changüi.” Sarah a chix nuakfüi ma, hwom kax apale, nyihom mong ma tüikya.

KAXHO MÜIKYA LUK 1:13

Ikoxlechu ija kaxtaimixe chix ang thüi: “Zakaria, taxza! Zange nang zangjop atatdaoa, ilaxle nang kakonu Elijabet e nang ang lüka naosa tüpuxüi. Nange chix ang Juhan le amün angkya changle.

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

PONGWANG LAIPEX 17:19

Ikoxlechu Zang thüi: “Ile münchang. Nang kakonu Sarah-e nang ang sasün tuita puxüi. Nange ija nao ang Isak le amün angkya changle. Kue ku Tsaotsüt chix füi tamchu chixsu chixsa hwom füi othuithuima thomüi. Ija a oshuk chitüikya Tsaotsüt changpu.

PONGWANG LAIPEX 17:21

Ikoxlechu ku Tsaotsüt kue hünsa Isak füitix thomüi. Chix a ngaizang itukhae Sarah-e pux angkya changle.”

KAXFÜNPA-HWOM 13:3

Jowanpa kaxtaimix she füi apong ilaxle ile akax: “Anyix kople nange sapux-naopai ang chithole ngokya, ikoxlechu chwonle wüi nang ma nao nguidongle changüi ilaxle lüka naosa tuita puxüi.

1 SAMUEL 1:20

Ifüima she ma nao nguidongle chang ilaxle lüka naosa tuita pux. She-e ija nao ang Samuel le mün kox üntoxle she-e thüi: “Chix a kue Jowanpa ma jule laxkya nao changle.”

MATHI 1:25

Ikoxle pongwang lekya nao mangün-mangünle Jusep Meri füi jip-pomle chichang; üntoxle Jusep-e ija nao ang Jisu le mün thom.

JUHAN 4:42

Ilaxle hwome ija mixcha ang thüi: “Athax kwomechu ongpu, nang kax khomale chichangle kwom tomtatae chix zangwün atat ang kopkya khoma, athaxpi chix a otsingtsing chaxwannu khosünpa changpu le kwome awan ang kople.”