MARK 9:50 - OTSAO BAIBEL (BSI)

⁵⁰ “Hum a amüikya ikoxlechu ija hum ma tikya jangsamdao thüikoxle hünzome ija chatle chem füi atiküi? “Hum lailaile hünzom a zuikop manle tüilax ilaxle tata füi tumüi le ngokox.”

MARK 9:50 ပူးပေါင်းရင်းမြစ်များ

KOLOSI 4:6

Othuithuima hünzom zangwün a mix zongma müile tamchu apa ang tsule tüikox, ilaxle pangnusasa ang wüi changkya kaxlan fa ang hünzome awanle tüikox.

ROM NOK HATO ZAKYA POL LAIZA 12:18

Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

MATHI 5:13

“Khünaknu zongto hünzom a hum tuita changle; ikoxle hum angkya tikya jangmax dao thüikoxle chem makhange ija atikle laxüi? Hum angkya otik pao füima ija chem mwot ma lax angchu münmüi; ija a homtho to awütüi ilaxle khünake cha füi nak angkya lanwüi.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

JOB LAIPEX 6:6

Ikoxlechu hum chitüikya süt haisokkya owae saxthoüi? Oti mongtho ma ozing-olong chemtüi?

1 THESALONIKA 5:13

Hwome mokkya mwot khoma chathua zakya hia mongkün ahole hume kox. Hünzom tata füi mongsom ma ngolax.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

JAKOP 1:20

Khünak mongtsik makhange Zang mongtex sukya moktsuaküi le münchang.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

MÜNCHUAK-TSAI 34:14

Ochax hato tok aholaxle müikya mwot moklax; nang mongtsang makhange zongbakle tumüi-mongsom hanpakma azong-afale changkox.

MARK 9:34

Ikoxle hwom kongko le dang; chemthüikoxle lomba to hwome akhokya a owa achangüile hwom-hwom ala.

MÜNCHUAK-TSAI 133:1

Hulax, tüi-hi-nao hwom motomle ngokya chemtukuxkya mongmüi tamchu mongsom changpuix!

EZEKEL 43:24

Ibu ku hato apüihüi. Zompu-zangpabue ibu to hum füi fulaxle ku ang tö tuita ang koxle ibu zokle ashunüi.

MARK 9:49

“Tö koxkya pangnu hum füi atsaokya lailaile khünak nok wüi wün füi tsao ang tomüi.