MARK 8:38 - OTSAO BAIBEL (BSI)

³⁸ Ijadaile ija Zang chitüikya tamchu ochax tsünthom ma opange ku tamchu ku kaxho bama azakle maxüi hex; Khünak Hosae ma Hopa fuazang ma kaxtaimixbu füi nguikya zuma, chix bama azakkya tüiüi.”

MARK 8:38 ပူးပေါင်းရင်းမြစ်များ

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

1 JUHAN 2:23

Chemthüikoxle Hosa pongle chikopkyabue Hopachu wüi pongle münkop; Hosa pongle kopkyabue Hopachu wüi pongle koppu.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

MATHI 26:64

Jisu-e chix kax to lan: “Nange wüi akax dao ngünlaxle. Ikoxlechu kue hünzom pangnu ang thüipu: Hünzome athax makhange Khünak Hosa, Khünthak Zang tsaxchi ma ngolaxle, nguikya ding to zangfwom ma ngünüi.”

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

MATHI 12:39

Ikoxle chixe lanle thüi: “Chisu chitangkya hia Zang chitsingkya tsün thome ohünotün mwot lomle; hünzom ang a Juna ohünotün mwot boma mama münwan chemchu münfa.

JUHAN 1:51

Ilaxle chixe hwom ang thüi: “Kue otsingtsing ma akaxpu, nange zangding ka dapkya tamchu Khünak Hosa ma kaxtaimixbu dongkya hia jukyabu ngünüi.”

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

MATHI 24:30

Ifüima ding to Khünak Hosa münwan laiüi; ifüima chaxwannu angkya khünaknu sopüi; ilaxle hwome Khünak Hosa zangfwom ma tsakzong le tamchu fuazangle jukya ngünüi.

KAXHO MÜIKYA LUK 19:26

Chixe lan, ‘Kue hünzom ang thüipu, owa ma hidaole tüiüihex, chix ang aluile koxüi; ikoxle chemchu chitüikya mix angkya chix ma hidaole tüiküsa ngaxchu paoüi.

MATHI 13:41

Khünak Hosae chix kaxtaimixbu tsanle apaoüi; chix Wangting bama chikho asua ang koxkyabu hia mix ang ochax lyen ang tomkyabu pangwüi afoxüi;

DANEL 7:13

Zangnak ma kue ija wünmang ngünle ngopongma, kue khünak ningkya tuita ngün. Chix a kuchi to hüile ngokya. Chix a zangfwome akankhople tüikya, ilaxle chix a jento ozün ma ngole tüikya hato hüi ilaxle ija ku ang kox.

DANEL 7:10

ilaxle ija makhange wün shua jenle tüikya. Ikhoma chix thotha angkya khünakbu a hajat-hajat tüikya ilaxle chix tunthoma khünaknu a o-e chithole ajongle tüikya. Kaxfün angkya khwa ka mwotwang, ilaxle laipexbu dap.

TSAITONG-KAXTONG 33:2

Jowanpa a Sinai Haxnu makhange hüi; Edom nok khangkho to zanghannu ningle chix dong ilaxle Paran Haxnu makhange chix khünaknu to atale nyan. Chix füi tomle kaxtaimixbu hajat bün jao tüikya, chix tsaxchi chak ma wünchua tuita tüikya.

IBRI 13:13

Idaile, chix thünzak tom-han ang kem homtho to laihax.

2 TIMOTHI 1:16

Onesifora hwom homkha ang Zange chingcha naxaho, chemthüikoxle chixe obi thomthom ma hexle ku mong amüi daoa. Ku kun to tüikya bama chix chiazak,

GALATIA 6:14

Ikoxlechu ku hanpakma pi Khrista pünsak bama tix tsaichong-kaxbongüi; chemthüikoxle chix pünsak makhange chaxwannu ku zongto omang, ilaxle chaxwannu zongto ku omang.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

JUHAN 12:34

Khünaknue chix ang thüi: “Khrista a jento ngo angkya changle le kwome wanlom makhange atat ang kople; jangchangba ‘Khünak Hosa a nwon angkya changle’ le nange chem ang thüipu? Ikoxle ija Khünak Hosa a owa?”

JUHAN 5:27

Chixe Hosa ang kaxfün angkya zong fadaoa, chemthüikoxle chix a Khünak Hosa changle.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

MARK 14:62

Jisu-e lan: “Changpu ku a; üntoxle hünzome Khünak Hosa, Khüthak Zang tsaxchi ma, thungle ngokya hia ding tokya, zangfwom ma jukya ngünüi!”

MATHI 16:4

Anyix ngainyixkya chemtukuxkya zünte tamchu Zang chitüikyabu hex. Hünzome münwan lomleo? Ajepa Juna münwan boma mama münwan hünzom ang münfaüi.” Ikhoma chixe hwom dantoxlaxle atsaile pao.

ZEKARIA 14:5

Hünzom a ija haxnu anyi ang achangle ahankya haxbang makhange azangle paoüi.

MATHI 8:20

Jisu-e chix ang thüi: “Hijanbu ang olua tüipu tamchu ding angkya osabu ang ozop tüipu ikoxle Khünak Hosa ang shuile nazak angkya nui ngaxchu müntüi.”

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

MARK 8:37

Kue thüipu, müntüi! Khünak tuita ma, ma chasa khülüix to kox tsuak angkya chemchu müntüi.

MARK 13:26

Ifüima Khünak Hosa tüle zaxzangle tamchu ngamle zangfwom ma juüi.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

1 THESALONIKA 2:19

Kwom monghom, kwom mongmüi, ilaxle chix nguikya zuma Jowanpa Jisu Khrista thüntho ma kwome tholünkya bama kwom ngam angkya, ija a owa khoma: Ija a mama owa khomachu münchang, hünzom khoma tix changpu!

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

1 JUHAN 2:28

Changpu, kusu kusahom, chix füi notom le ngolax, ikoxletix chix ngai pongma kem a mongchyene awangle tüiüi üntoxle chix nguikya nyix chix thoto azakle azwonle chichangüi.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.