MARK 8:35 - OTSAO BAIBEL (BSI)

³⁵ Chemthüikoxle opangsae ma khüzün azünse tsuüi hex, hwome ija amütüi; ikoxle opange ku tamchu ku kaxho bama ma khüzün amüt laxüi hex, hwome ija sünle kopüi.

MARK 8:35 ပူးပေါင်းရင်းမြစ်များ

1 KORIN 9:23

Ija mohiman süntswon ang kop angkya kuxma, kue ibu pangnu wüi Kaxho Müikya hanpakmale mokpu.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

KAXHO MÜIKYA LUK 17:33

Owae ma khosün ang azongüihex chix maxüi, ikoxle owae matsün amütüihex chix sünüi.

MATHI 16:25

Chemthüikoxle khünak owae ma tsün azün ang azongüi hex, chixe ija amütüi; ikoxle ku mün kuxmale owae ma tsün amütüi hex, chixe ija ataküi.

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

MATHI 10:39

Owae ma tsün sünle kop ang azongüi hex, chixe ija amütüi; ikoxle owae ku hanpakma ma tsün koxlaxüi hex, chixe itolyem le ataküi.

2 KORIN 12:10

Idaile Khrista khoma sikngün angkya to ku mongmüipu. Naxsho naxnailax chichangba naxajao naxahailax chichangba laxli ma khütlechu naxchitüi lax; zothuple hia sikangün lechu naxchangkox; chemthüikoxle otue kue ma tsakzong komle amütüihex, izuma Khrista tsakzong kuma tüiüi.

WANGSHEMBU MWOT 9:16

Üntoxle ku mün awan ang kox angkya bama chixe sikngün apong angkya pangnu kue chix hama wünle koxüi.”

KAXHO MÜIKYA LUK 9:24

Chemthüikoxle matsün khosünse le texkyabue ija amütüi, ikoxle ku khoma owae matsün amüt laxüihex, chixe ija sünle kopüi.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

MATHI 10:22

Ile ku mün khoma hexle khünaknu pangnue hünzom thua anuüi; ikoxchu oshuk kople adukya mixe khosünkya ataküi.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

IBRI 11:35

Mongong makhange shekobue zidaokya mamixbu chatle ozün ma kop. Mamabue, sümüikya tsün ma chatle azangle zo angkya hanpakma, hwom pankya chilax ngo homle zothup le lang ang matsün kox.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

MARK 8:36

Khünak tuitae chaxwannu komle kop ang tho ikoxle ma chasa a amüt le jangchang thüikoxle chix ang lap chem tüi?

HWON-NWOT-JAONO 3:6

Chixe atak angkya hia amüt angkya hanpak tyale thompu, sünle kop angkya hia chilaxle awüt angkya hanpak tyale thompu,