MARK 8:11 - OTSAO BAIBEL (BSI)

¹¹ Züizüi farisibu Jisu hato hüi ilaxle kax ma alat ang süt. Hwome chix amanse tsu, ilaxle chix zangkangting tokya changpule aho ang lita ohünotün mwot mokhu le atsang.

MARK 8:11 ပူးပေါင်းရင်းမြစ်များ

1 KORIN 10:9

Hwom züizüie Zang to thwontsing, ilaxle hwom pu chak ma max; ija ningle keme Jowanpa thwontsing le chichangüi.

MATHI 12:38

Züizüi wanlom nwotmixbu hia farisibue ijama chix ang thüi: “Nwotmix, kwome nange mokkya ohünotün mwot ngünse tsule.”

MALAKI 3:15

Keme ngünle ngopu, mongmüi mixbu a mongngam füikya khünakbu tix changpu. Ochax khünakbu a ahak-aluakya tata chichangle hwom ochax mwotbu füi Zang to thwontsingle changpu üntoxle ikha tokya hwom azangle pao tsuakpu’ le Jowanpae thüi:”

TSAITONG-KAXTONG 6:16

“Hünzome Massah ma changdaokya ningle Jowanpa hünzom Zang to thwontsingle taxchang.

JUHAN 4:48

Ikoxle Jisu-e chix ang thüi: “Hünzome münwan hia ohünotün mwot chingün thüiningle otuechu ong angkya fang münchang.”

KAXHO MÜIKYA LUK 11:16

Mamabue Jisu tsün ilaxle chixe Zang zong kop laxle ngokya aho ang ohünotün mwot mokhu le thüi.

LAIPAO 17:7

Ija kha ang Massah üntoxle Meribah le nyak; chemthüikoxle Jowanpa kem füi tüile leo? le khünakbue kaxthup-ngaotünle Israel noke chix to thwontsing.

WANGSHEMBU MWOT 5:9

Ifüima Pitar-e she ang thüi: “Nang kakopa hünkhie Zang thwontsing-üihexo le büthüikya to texle koplaxpu? Nang kakopa akhünkya naosünbu ipongkhae kafülom ma tüile, ilaxle nangchu wüi hwome homtho to paile alaiüi!”

JUHAN 7:48

Pünpa-chongwangbu hia farisibu kha angkya owawae chix to ongkya mix hünzome awanle ngocha?

JUHAN 6:30

Hwome chix ang thüi: “Kwome ngünlaxle ongkya lima nange münwan ang chem mokle ahoüi?

KAXHO MÜIKYA LUK 10:25

Wanlom tsingpa tuita tüikya, chix hüi ilaxle Jisu tsünle atüi: “Nwotmix, oshuk chitüikya tsün atak ang kue chem moküi?”

MARK 12:15

“Kwome ibu chifa fakox müiüi?” Ikoxlechu Jisu-e Hwom tsingtsang awanlaxle hwom ang thüi: “Büthüikoxle hünzome ku aman ang azong ngopu? Kue hule ano kop angkya kuxma ku hato jan ngun huak tuita apüihüi.”

MARK 2:16

Züizüi wanlom nwotmixbu, opang farisibu changkya hex, hwome idu süisai mixbu hia noktu khatokya alaile thomdaokyabu füi tomle Jisu-e fongsaxle ngokya ngün. Hwome wangshembu ma atüi: “Iningkya khünakbu füi tomle chixe fong büthüikoxle saxpuix?”

MATHI 22:23

Ija nyixnyix wüi züita farisibu Jisu hato ngui. Hwom a khünak zidaokya chatle azangle münzo le thüikya othom.

MATHI 22:18

Hwome chix tsünkya awanlaxle Jisu-e lan: “Hünzom künkux-mongkwombu changle; chem hanpakma hünzome ku tsünle ngopu?

MATHI 22:15

Farisibu pao ilaxle kax atüi angkyabu füi Jisu aman angkya lom zing.

MATHI 21:23

Jisu chatle Zangshwom-Hom to ngui; chixe hwon-ano le ngoponge, nguakhobu hia Jehudi nok lompabu chix hato hüilaxle atüi: “Nange ija chemtsak-chemzong makhange mokpu? Ija tsakzong nang ang owae fapu?”

MATHI 19:3

Züizüi farisibue chix aman angkya hanpakma tsünle kax atüi angkya füi ngui. Hwome atüi: “Tüta khoma wüi changlax, ma kakonu apao angkya kem wanlom ma panle tüicha hex?”

LAIPAO 17:2

Hwome Mosa to kaxthup-ngaotünle thüi: “Kwom ang lingti laxhüi.” Mosa-e lan: “Hünzome büthüikoxle ku to kaxthup-ngaotünle ngopu? Hünzome Jowanpa to chem thwontsingle ngopu?”

JUHAN 8:6

Hwome ija kax, chix tsünle, chix lang angkya chifün lomle akaxkya changkya. Ikoxle thung laxle Jisu-e chak-khi füi hax to za.

MARK 9:16

Jisu-e chix wangshembu ma atüi: “Hünzome hwom füi chempang bama kax ma alanle ngopu?”