MARK 7:37 - OTSAO BAIBEL (BSI)

³⁷ Üntoxle atatkyakya pangnu wüi huanuma abüt. Ilaxle hwome thüi: “Chixe pangnu wüi müile mokdaoa. Chixe naba mixe atat ang tom tamchu kaxux mix ang akax ang tom!”

MARK 7:37 ပူးပေါင်းရင်းမြစ်များ

MARK 6:51

Ifüima chix hwom hato khua ma dong, üntoxle zangwin dangle zak. Wangshembu ang huanuma khosamle aban.

MARK 5:42

She ima wüi zo ilaxle aham. (She a zangbün anyi nao changkya). Ile changkya zuma tix hwom pangwüi abüt.

MARK 4:41

Hwom huanuma wüi za ilaxle tata füi akax: “Chix chem ningkya mix hex? Zangwine ngaxchu chix kax ma laxle!”

MARK 2:12

Ija khünak momle zo, chix lya kop, ilaxle hwom pangnu thüntho ma chix pao ang achex. Hwom pangnu abüt ilaxle Zang mün achuakle thüi: “Kwome iningkya tümangün tox!”

PONGWANG LAIPEX 1:31

Zang-e chix chakzing müihule le ngün. Ifüima zangnak üntoxle zangngai. Ija a azok lükya nyix changkya.

MÜNCHUAK-TSAI 139:14

Kue nang achuakpu, chemthüikoxle nang a za-adünkya tamchu ohünotün changpu. Nang mwotbu a ohünotün changle! Nange ku tsaothale tsing-ngopu;

WANGSHEMBU MWOT 14:11

Pol-e ile mokkya ngünlaxle khünaknue manok Laikonia kax ma akhong: “Zangbu khünak ningle achang üntoxle kem hato nguile tüile!”

KAXHO MÜIKYA LUK 23:41

Üntoxle künyie nang olom ma koplaxpu; chemthüikoxle künyie nang künyie mokdaokya tha thompu. Ikoxle ija mixsüne thaikya mwot chemchu chimok.”

MARK 1:27

Khünaknu huanuma abüt ilaxle tata ma atüi: “Ija chemli hex? ija a li tuita hozün hwon-nwot hia? Chemthüikoxle ija mixsün ma haxshix chasabu ang kaxkox angkya zongchu tüile, ilaxle ibue chix kax ma laxle.”

ISAIA 29:18

Chemtue ija nyix nguile hüipuix, naba mixbue lai akhongle ekya atat ang kopüi, ilaxle mikpwompabu, opang zangnak fang to ngole hüikya hex, hwom ma mik zamüi ilaxle ngün ang kopüi.

MATHI 9:32

Ilaxle hwom laile paokya zuma, haxshix chasae kople thomkya kaxux mix khünakbue chix hato apüi.

MARK 7:36

Üntoxle chixe khünaknu ang ija bama owa hamachu chiwün angkya kaxshing kople akax; ikoxlechu otukux chixe abaxpuix itukux ija kax apuk ang hwom mongtsu.

MARK 8:1

Ifüima aluile chingo homle, chatlechu khünaknu othom mama chongkya tuita hüi. Hwom ang sütling chemchu chitüi le changkya zuma Jisu-e chix wangshembu nyaklaxle hwom ang thüi: