MARK 6:41 - OTSAO BAIBEL (BSI)

⁴¹ Ifüima chixe ankhao hia nyax jang anyi chak ma kop, dingchi to angakle hu ilaxle Zang ang münchong fa. Chixe an akhix ilaxle khünaknu ang afanle kox ang wangshembu chak to kox. Chixe nyax jang anyichu wüi hwom pangnu ang ahanle asüt.

MARK 6:41 ပူးပေါင်းရင်းမြစ်များ

MATHI 14:19

Chixe khünaknu hingzang ding to thung ang tom; an khao aga hia nyax jang anyi koplaxle chixe münchong fale mohiman. Chixe ibu akhixlaxle wangshembu chak to kox ilaxle hwome khünaknu ang ahanle kox.

MARK 7:34

Ifüima Jisu-e dingchi to hu, azax, ilaxle ija khünak ang thüi: “Efatha” (Ija a akaxkox le thüikya kax).

KAXHO MÜIKYA LUK 24:30

Otue chix hokhi füi tomle fongsax ang thungpuix, chixe an kop laxle mohiman, ilaxle ija ashik le hokhi ang kox.

KAXHO MÜIKYA LUK 9:16

Jisu-e an khao aga hia nyax jang anyi kop, ding to angakle hu, ibu hanpakma Zang ang münchong fa, ibu akhix, ilaxle khünaknu ang ahanle laxkoxle wangshembu chak to kox.

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

JUHAN 17:1

Jisu-e ibu akaxle tsuakkya füima, dingchi to hulaxle thüi: “Apa, hanpak nguiüna, Hünsa ang fuazang laxkox, ile Hünsae nang ang fuazang koxtsuak angkya hanpakma.

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.

MARK 14:22

Hwome fongsax ponge Jisu-e an kop; mohiman laxle chixe ija akhix üntoxle ija wangshembu ang koxle thüi: “Koplax, ija a ku tsangtsa changpu.”

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

ROM NOK HATO ZAKYA POL LAIZA 14:6

Owawae hanpak nyix tuita to ataxle jangthüt thüiba, Jowanpa achuak achen ang mokpu; owawae pangnu li saxlingle changkya Jowanpa achuak achen ang mokpu, chemthüikoxle chixe süt hanpakma chixe Zang to münchong fale. Owawae oli tuita münsax le jangthüiba Jowanpa achuak ang mokpu, ilaxle chixe Zang ang münchong fale.

JUHAN 6:23

Jowanpa-e münchong koxkya füima khünaknue an saxkya tinu kax ma, ofüi nyix Tiberia chitokya mama khuabu hüi.

JUHAN 6:11

Jisu-e an lax, münchong fa laxle chixe idu thungle ngokyabu ang ahanle fa. Ija ningle nyaxchu wüi ahanle kox. Ile hwom pangnue wüi wokfwot müile sax.

MATHI 26:26

Hwome saxle ngopongma Jisu-e an lax, jople münchong fa, ija akhix ilaxle chix wangshembu ang kox. Chixe thüi: “Koplax ilaxle saxlax, ija a ku müi changle.”

MATHI 15:36

Ifüima chixe ankhao anüt hia nyaxsabu chix chak ma kop, Zang ang münchong fa, ijabu akhix ilaxle wangshembu chak to kox, ikoxle wangshembue ibu khünaknu ang ahanle kox.

TSAITONG-KAXTONG 8:10

Hünzome saxse tsupupu pangwüi ikhato tüiüi, ilaxle chixe hünzom ang koxkya haxzao füikya haxtok bama hünzome Jowanpa hünzom Zang ang münchong faüi.

WANGSHEMBU MWOT 27:35

Ibibi akax füima, Pol-e chak ma hidaole an lax, hwom pangnu thüntho ma Zang ang münchong fa, ija ashik ilaxle sax.

MARK 6:40

Idaile hwom azienzien le, zienpong to hopong hia punyi bün pongle thung.

MARK 6:42

Hwome pangnue wüi wokfwot müile sax.

MARK 8:19

Kue ankhao aga hajat aga khünaknu tu ma akhix pongma ota otua hünzome sang obi tswonle kopkya dai; ija texle münatak hexnyi?” Hwome chix ang thüi: “Sang bün anyi.”