MARK 6:34 - OTSAO BAIBEL (BSI)

³⁴ Otue Jisu khua angkya thai, chixe ija khünaknu tusox ngün, ilaxle chix mongkha to hwom hanpakma chingcha dongle tex, chemthüikoxle hwom a nyetmix chitüikya chunbu ningle ngo. Ija khoma chixe hwom hama tüle-tüle anwot-ano ang süt.

MARK 6:34 ပူးပေါင်းရင်းမြစ်များ

MATHI 9:36

Khünak othomnu ngünkya zuma chixe hwom to chingchale thüt; chemthüikoxle nyet mix chitüikya chunbu ningle hwom chiakle ngo.

HUAKE LAIPEX 27:17

azan pongma hwom lom azüi ang thokya khünak, ile changkox tix wüi nang khünaknu, nyetmix chitüikya chunbu ningle chichangüi.”

KAXHO MÜIKYA LUK 9:11

Otue khünaknue ija zing atatpuix, hwome chix man to. Chixe hwom mongmüi le pongle kop, hwom hama Zang Wangting bama akax; ilaxle amüi ang lomkyabu ang kak amüile kox.

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

JEREMIA 50:6

“Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

2 PUKAX-PANGAO 18:16

Mikaiah-e lan: “Israel nok süpahi haxhua to, nyetmix chitüikya chunbu ningle chiakle samkya ngün ang kople. Ilaxle Jowanpae thüile: Khünak ibu ang lompa müntüi; hwom zingmüi ma mahom-hom to chat ang tomkox.”

1 WANGHOMBU 22:17

Mikaiah-e lan: “Nyetmix chitüikya chunbu ningle kue Israel nok süpahibu haxhua to chiakle samkya ngünle, ilaxle Jowanpae thüile: Khünak ibu ang lompa müntüi. Hwom a mongsom ma hom to chat ang laxkox.”

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

MATHI 14:14

Chix laikya zuma khünaknu othom chongkya tuita ngün. Hwom tokya chingchae chixe kakmixbu amüile kox.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

MATHI 15:32

Jisu-e chix hato wangshembu nyaklaxle thüi: “Kue ibu khünaknu to tüle chingchale; chemthüikoxle ku füi tomle ngokya hwom nyix azom jao sütüna, ikoxle athax hwom ang sütfun tuita müntüi. Hwom lomba to woknuake maxüi tüile, kue hwom ang süt chiasüt homle apaose münthüt.”

ISAIA 13:14

“Babilon ma ngole tüikya mixnokbu, müihap mix thoto müikhi paole azonkya ningle tamchu nyetmix chitüile chunbu samkya ningle masamsam to paole samüi.

EZEKEL 34:5

Chunbu ang chunnyetpa chitüikya khoma, hwom chiakle sam, ikoxle faomüibue ibu langle sax.

MARK 6:33

Ikoxlechu khünakbue hwom achexüi ngünle lax ilaxle hwom opangpang hex ochwon ma tsingle lax; ilaxle tingnu pangnukha tokya cha ma zikle, Jisu hia chix wangshembu thoto wüi ijongkha alople nui.

MARK 6:35

Üntoxle hanhom füima, chix wangshembu chix hato nguilaxle thüi: “Ikha a chemchu chitükya kha ilaxle athax a tuchu lehuüna;

MARK 8:1

Ifüima aluile chingo homle, chatlechu khünaknu othom mama chongkya tuita hüi. Hwom ang sütling chemchu chitüi le changkya zuma Jisu-e chix wangshembu nyaklaxle hwom ang thüi:

MARK 8:2

“Kue khünaknu othom to tüle chingcha maxle; chemthüikoxle hwom ku füi tomle ngokya athax nyix azom nguile hüile ilaxle athax a hwom ma sütling chemchu müntüi.