MARK 6:20 - OTSAO BAIBEL (BSI)

²⁰ Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

MARK 6:20 ပူးပေါင်းရင်းမြစ်များ

MATHI 21:26

Ilaxle keme, khünak tokhange koplea le lan koxchu khünaknu thua za; chemthüikoxle khünaknu pangnue wüi Juhan a tuita ajepa changpule lax.”

MATHI 14:5

Ikhoma wanghome chix langse tsu, ikoxchu Jehudi khünakbu thua za; chemthüikoxle hwome Juhan a tuita ajepa changpule lax.

JUHAN 5:35

Juhan a chuale tamchu nyanle ngokya wüntik ningle changkya ilaxle onox ma hünzomechu chix zangngai to mongmüise le tsuakya.

MARK 11:18

Nguakhobu hia wanlom nwotmixbue ija atatlaxle, chix mik chemle amütüi le oshua lom. Hwom chix thua za, chemthüikoxle khünaknu pangnu wüi chix hwon-nwot to abüt.

MARK 4:16

Khünak mamabu longtok to saikya tsaxtsangbu ningle changpu; kaxho atatkya füi shemle hwome mongmüi atungle pongle kop.

DANEL 5:17

Danel-e lan: “Nang hinghobu nange tathomkox chichangba owawa ang koxle apaokox. Ija chakza kue nang hama ele apuale faüi ilaxle ija chem hanpak hex taile faüi.

DANEL 4:27

Idaile, wanghompa, ku kax ma laxlax. Ochax lyenkya zaklax, chem supuix ija moklax, ilaxle chitüi-chinang mix to chingchale changlax. Ile jangchang thüiningle nang tamchatle ahak-aluale chang ang tomüi.”

DANEL 4:18

“Nebukadnezar-e thüi: ‘Kue ngünkya wünmang a ija changpu. Ikoxle Belshazzar, athaxpi ija chem hanpakhex ngaile fahüi. Ku nguakax-wangkhobu owaechu wünle fa ang müntho, ikoxle nange wün ang thoüi, chemthüikoxle zang chasa nang ma tüile.’”

EZEKEL 33:32

Hwom zongto nang a tuita mix mong amüi ang tsailwom ngaole hia thuaput waxmaibu angaole ngokya khünak tuita zazale changle. Hwome nang zangwün pangnusa to apale ikoxle ikha angkya kaxfa tuita kax ma münlax.

2 PUKAX-PANGAO 26:5

Zanglom ma chix to zünsaile ngokya mix Zekariah ozün ma ngokya kople, chixe mongong tüikya füi Jowanpa thothale chang, ilaxle Zang-e chix to mohiman.

2 PUKAX-PANGAO 24:2

Nguapa Jehoiada ozün ma ngokya kople chixe Jowanpa zong sukyakya wüi mok.

2 WANGHOMBU 13:14

Ajepa Elisha chisumüi lüwüi kak ilaxle chix ziüikhakha lya ma shuile tüipongma Israel nok wanghompa Jehoash chix wai ang ngui. Chixe sopngale akhongle thüi: “Ku apa! Ku apa! Nang a Israel nok khosekya naomüipa tuita changkya dai!”

2 WANGHOMBU 6:21

Chemtue Israel nok wanghompa-e Siria nokbu ngünle laxpuix, chixe Elisha ma atüi: “Kue hwom langüi hia? Alixachong, kue hwom langhax-o?”

1 WANGHOMBU 21:20

Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.

LAIPAO 11:3

Jowanpae Ijip nok ang Israel nok to chingcha ang tom. Otsingtsingma wangshembu hia khünaknu pangnusae wüi Mosa a tuita chongkya mix changle le-e.

WANGSHEMBU MWOT 2:12

Abüt üntoxle khosam laxle, hwome tata ma: “Ija chem hanpak hex”, le atüile ngo.

WANGSHEMBU MWOT 5:24

Otue Zangshwom-Hom nyetmix khama akhokya hia nguakhobue ija kax atat laxpuix, wangshem nyi to chempang thüikya changkoxpu le khosam.