MARK 5:7 - OTSAO BAIBEL (BSI)

⁷ ilaxle akhongle thüi: “Jisu, nang a Taitax Zang Hosa! Nange ku füi büthüise tsupu? Zang münlün laxle thüipu, ku ang sik sütax-angününfa!”

MARK 5:7 ပူးပေါင်းရင်းမြစ်များ

MATHI 8:29

Ijama hulax, hokhie akhongle akax: “Nang a Zang Hosa, nang füi kwom ang chem mwot tüipu? Hanpak manguiba wüi kwom ang sikngün fa ang nang ikhato nguipia?”

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

MATHI 26:63

Ikoxlechu Jisu dangle ngo. Anaolechu Nguakhoe chix ang thüi: “Ozün ma tüikya Zang mün ma kue tsao sax le thüipu: Nang a Messaiah, Zang Hosa jangchangba kwom hama apua hüi.”

MIKNGÜN-OHÜN 12:12

Idaile zangkangting tamchu, opang ikhato ngolaxpuix, pangwüi mongmüilax! Ikoxchu chaxwan hia tinu hanpakma, tüle chongkya hama tüile! Bao a hünzom hato nguile tüile, chix a mongtsike awangle tüile, chix ang hanpak moxkya ngünlaxle”, le azaxle akhongkya ozing kue atat.

WANGSHEMBU MWOT 19:13

Züizüi Jehudi khünakbu haxshix chasa jwonle aham ngokyabuchu ija jwon ang Jowanpa Jisu mün twon ang azong. Hwome haxshix chasabu füi akax: “Pol-e wün ngokya Jisu mün ma kue nang ang kaxkoxpu.”

KAXHO MÜIKYA LUK 8:28

Otue chixe Jisu ngün, chix akhong, chix Jisu chitongma alüile tswonle awüt ilaxle azaxle thüi: “Jisu, Taitax Zang Hosa! Künyi bama chem tüikya? Kue chingcha jupu, ku ang sik taxangününfa!”

MARK 3:11

Ilaxle haxshix chasa füikyabue chix ngünkya zuma, hwom chix thüntho ma nguak üntoxle akhong: “Nang a Zang Hosa changpu.”

MATHI 4:3

Iponge bao chix hato hüilaxle thüi: “Nang Zang Hosa jangchang thüiba ija long füi an ang achang angkya akax kox.”

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

MARK 1:24

Chixe thüi: “Kwom tata danhüi, nang füi kwom ang chem mwot tüikya, nang Nazareth nok Jisu? Nang ikhato kwom amüt ang hüipia? Nang owa hex kue awanle: Nang a Zang tokya Otsao changpu!”

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

HOSIA 14:8

Israel khünaknue chapabu füi chem mwot müntüiüi; Hwom zangjop to kue lanüi ilaxle hwom nua kue zingüi. Jento omua müile ngokya pünnu tuita ningle kue hwom ang ngwotnui koxüi; Hwom mohiman pangnu otong a ku tix changpu.”

1 WANGHOMBU 22:16

Ikoxle Ahap-e lan: “Nange ku füi Jowanpa mün ma akaxle changpongma otsingtomtata wüi akaxhüile kue nang füi obithom ma akaxüi?”

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

IBRI 7:1

Ija Melkizedek a Salem nok wanghom Taitax Zang Nguapa changkya. Wanghom ali to lütlaxle Abraham chatkya zuma Melkizedek apong ilaxle chix to mohiman,

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

WANGSHEMBU MWOT 8:36

Ile hokhi lomjang fole ahamle hüi pongma jongta kha ti tüikya nui to ngui, ilaxle ija alixachonge thüi: “Ikhama ti hidaole atungle tüingünlaxle! Chemtan-chemnye ngoüi, athax wüi baptiüi jangwüia?”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

KAXHO MÜIKYA LUK 4:34

chixe akhongle thüi: “Ei, Nazareth nok Jisu, nange kwom füi chem mok angkya tüikya? Nang kwom amüt ang hüipia? Nang owahex kue awanle. Nang a Zang Otsao Kaxho mix changle!”

KAXHO MÜIKYA LUK 1:32

Chix zaxzangüi üntoxle chix ang Taitax Zang Hosa le nyaküi. Opu Dawid ningle Jowan Zange chixchu wüi wanghom ang achangüi,

MARK 14:61

Ikoxlechu Jisu-e kaxsu chidün. Anaolechu Nguakho-e chix ma atüi: “Nang mohimankya Zang Hosa Messaiah changcha mi?”

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

MARK 5:6

Chix ngün pongma Jisu siatsaile tüikya; ikoxle chix zikle hüilaxle Jisu chitong ma chix shwomle akhux;

MARK 5:8

(Jisu-e haxshix chasa ang chix angkya laile pao angkya kaxkox koxle chixe ija akax).

JAKOP 2:19

Zang tuita wüile nange ongpuix nyi? Müihule! Bao-echu wüi ongle üntoxle namabün le zale.