MARK 4:7 - OTSAO BAIBEL (BSI)

⁷ Ilaxle züizüi a hux füikya fumkha to düt, fum ibu lwon le hüikoxle tsax to alumle changkya khoma ibue oziak chidün.

MARK 4:7 ပူးပေါင်းရင်းမြစ်များ

JEREMIA 4:3

Jowanpae Judah hia Jerusalem angkya khünaknu füi akax: “Mamokkya haxtokbu haxkhutle molax; huxpünbu khato hünzome otsangbu taxküi.

KAXHO MÜIKYA LUK 8:14

Fum khato dütkya tsaxtsangbu a; Zang Kax atatlaxle ngokyabu; ikoxlechu künthang mongdang üntoxle okop olwot tamchu chaxwannu mongmüi akhople hüilaxle hwom to alum, ilaxle hwom oziak otuechu mün ang chifa.

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

KAXHO MÜIKYA LUK 8:7

Tsaxtsang züizüi a hux füikya fum khato düt, ijabu fum füi tomle tsong, ikoxle ibu to fume alumle amüt.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MATHI 13:7

Tamchu züizüi a fumkha to düt; ibu tsongle hüi ikoxlechu fume alumle amüt.

MATHI 13:8

Ikoxle züizüi a hax müikya kha to düt; ibu tüle owan müile tsong laxle züizüie hopong, züizüie puzom pong üntoxle züizüie tsübün pongle tsaxtsang dün.”

MARK 4:6

Ofüima zanghankya zuma ija khang tankya tsax nyemsabu to tüle huak, üntoxle zule otsing jukya chitüi koxle ochwon ma zilaxle ijabu zanle max.

MARK 4:8

Ikoxle züizüi a haxwan müikya khato düt; ijabu nyemle tsong ilaxle züizüi ma tsübün pong, puzom pong üntoxlechu hopong le jao oziak tüle dün.”