MARK 4:24 - OTSAO BAIBEL (BSI)

²⁴ Anaolechu chixe hwom ang thüi: “Hünzome chem atatpuix ija to mong koxlax! Hünzome mix bama kaxfün fa ang oja wanlom twonlaxpuix, ija wanlom Zange hünzom kaxfün fa ang twonüi; owae tsing ifüi sütsexle ngaxchu changtüilax.

MARK 4:24 ပူးပေါင်းရင်းမြစ်များ

IBRI 2:1

Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

KAXHO MÜIKYA LUK 8:18

“Ijadaile, hünzome atatkya ningle khünzai lax; chemthüikoxle owama muale tüipuix chix ang aluile koxüi, ikoxle owama chitüipuix, chix ma tüipule texngokya sasa ngaxchu bakle paoüi.”

MATHI 7:2

büthüikoxle chem kaxfün füi nange mix kaxfün puix, ija kaxfün füi Zange nang bama kaxfün faüi tamchu hünzome mix zongto twonkya wanlombu Zange hünzom hanpakma twon angkya changle.

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

2 KORIN 9:6

Hidaole alikya mixe tsaxziak hidaole wüi kopüi; aluile alikya mixe tsaxziak aluile kopüi, lükya kax texle ataklax.

JUHAN 10:27

Ku chunbue ku kax atatle; kuechu hwom mün awanle ilaxle hwomchu ku füito azuile.

WANWÜNKAX 19:27

Ku sa, nange awanle laxkya zakkya füi tomle, nange chem tsingle thomdaopuix ija ngaxchu asamüi.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

JUHAN 5:25

“Otsingtsingma kue hünzom ang thüipu, ziünkyabue Zang Hosa zing atat angkya tunu nguile hüidao, tamchu ija athax changle; ilaxle atatkyabu pangnu wüi ozün ang achangle chatüi.

MARK 9:7

Ifüima hwom to ochaxbae tuk le zangfwom tuita lai. Ija zangfwom makhange kaxzing tuita lai le akax: “Ija a kue mongkünkya Ku Sasün changle. Hünzome chix kax ma laxle tüilax!”

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

JEREMIA 17:21

Hwome hwom khüzün to mongkünle jangtüi, hwome Sabath nyix hün chemchu chihün angkya oli; hwome Jerusalem zünkaibu makhange tütalichu hün laxle münngui angkya changpu