MARK 4:19 - OTSAO BAIBEL (BSI)

¹⁹ Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

MARK 4:19 ပူးပေါင်းရင်းမြစ်များ

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

MATHI 19:23

Jisu-e chix wangshembu ang thüi: “Kue hünzom ang thüipu: Hakpa luapa zangkangting to ngui ang müima wüi tsakle;

JUHAN 15:2

Ku ma tüikya pünkang ojae oziak chiziaküi hex, ija a ngople awütüi; ilaxle pünkang oja pang ma oziak ziakle tüipuix, ija onüi sütle ziak angkya kuxma, chixe ija hanle atsaoüi.

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

KAXHO MÜIKYA LUK 10:41

Ikoxle Jowanpa-e lanle thüi: “Mwot khoma abanle nang mongsikangün puixnyi; ikoxlechu laxli a tuita wüi changle.

ISAIA 5:4

Kue ija thomwot ma chimokle athakya tüidaocha? Chichangthüiba, kue sungkya ningle chichangle chixe grep ziak osik büthüikoxle ziakpu?

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

2 PITAR 1:8

Chemthüikoxle ibu hünzom kux ang achang üntoxle sisile zaxle jangtüiba, ibue hünzom ang Jowanpa Jisu Khrista tsingwankyae ma chiziak chipua le tüi ang müntom.

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

HWON-NWOT-JAONO 4:8

Ikhama chix tata ngokya mix owawa tüile. Chix ang sasün tuita chitüi, tüi-hi-nao tuita chitüi, ikoxlechu chixe nazak chitüile mwot mokle ngole, ilaxle ma ma tüinangkya füi mongzom tam chimüitox. Ma mongmüi ahaile toxle, ipongpong azongle chixe owa hanpak ang among ngopuix? Ija chuwüi laxli chitüikya changpu, —ilaxle chingcha ashukle ngokya olom changpu.

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

WANWÜNKAX 23:4

Nang lualua to saxpu-luawang hwom zapua chilax angkya bama khünzailax.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MARK 4:18

Mama khünakbu a hux füikya fum khato saikya tsaxtsangbu ningle; hwome onox ma kaxho pongle kop.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.