MARK 2:5 - OTSAO BAIBEL (BSI)

⁵ Itukuxkya hwom mongong ngünlaxle Jisu-e kakmix ang thüi: “Kusa, nang ochax thailak fadaoa.”

MARK 2:5 ပူးပေါင်းရင်းမြစ်များ

MATHI 9:2

Züizüi khünake faile kakkya mix lya ma pai le chix hato apüi. Ijama Jisu-e hwom mongong ngünlaxle, faile kakkya mixsün füi akax: “Naosa, mong alüixlax, nang ochax thailak koxdaoa.”

JAKOP 5:15

Hwome mongong makhange jopkya ija zangjope kakmix amüiüi; Jowanpa-e chix ang tsangtsa ma chatle zong koxüi, ilaxle chixe lyenkya ochaxbu thailak faüi.

MATHI 9:22

Ikoxle Jisu-e aküile hulaxle akax: “Ku sacha, mongchonglax, nang mongonge nang kak amüidaoa.” Ija ma wüi ija mixcha kak müi.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

JUHAN 5:14

Ofüima chix Jisu thoma Zangshwom hom ma bangle, Jisu-e chix ang thüi: “Hulax, nang kak müidaoa, chatle fünma chiatak angkya hanpakma ochax taxlyen.”

KAXHO MÜIKYA LUK 5:20

Otue hwom mongong itukux kya Jisu-e ngünle laxpuih, chixe ija mixsün ang thüi: “Shempa, nang ochax thailak koxdaoa.”

KOLOSI 3:13

Tata füi adule tüilax üntoxle hünzome owawa füi chisumüikya zangwün tüipongma tata ang thailak laxkox. Jowanpa-e hünzom ang thailak fadaokya ningle hünzomechu tata ang thailak fa angkya changle.

2 KORIN 2:10

Otue hünzome owawa ang chixe mokdaokya ochax thailak falaxpuix, kuechu chix ang thailak fapu. Changle, kue thailak fa angkya oli chemchem jangtüi thüiba, hünzom lap kuxmale kue ija Khrista thüntho ma mokpu.

1 KORIN 11:30

Ija khoma hünzom shonaile hia kakle max ngokyabu tüile, ilaxle züizüi a zibaküna.

WANGSHEMBU MWOT 14:9

Ikhama thung üntoxle Pol akaxkya apale ngo. Chixe chix faikya amüi ang thoüile ongkya Pol-e ngün, idaile chixe ija mixsün to tangthole hu,

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

JUHAN 2:25

Chixe khünaknu nok thwonlop laxle ngokya daile owaechu chix hama hwom bama apuale fango angkya mwot chitüi.

KAXHO MÜIKYA LUK 8:48

Jisu-e she ang thüi: “Kusa, nang mongonge nang amüidaoa, mongsom ma paolax.”

MARK 5:34

Jisu-e she ang thüi: “Afex, nang mongonge nang kak amüidaoa. Mongsom ma paolax ilaxle müimüi zangngaile ngolax.”

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

MÜNCHUAK-TSAI 103:3

Chixe ku ochax pangwüi thailak kox ilaxle ku kak-lakbu amüile kox.

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

MATHI 9:5

‘Nang ochax thailak fadaoa’, le thüi angkya füi ‘zolax üntoxle ahamlax’, le thüi angkya wüi chwonpai hia?

MARK 2:6

Ikhama tüikya züita wanlom nwotmixbue hwom mongkhakha to ajang,