MARK 16:16 - OTSAO BAIBEL (BSI)

¹⁶ Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

MARK 16:16 ပူးပေါင်းရင်းမြစ်များ

JUHAN 3:36

Hosa to mongongkya khünak ma oshuk chitüikya khüzün tüile; owae Hosa kax ma chilax puix, chix ma khüzün müntüi; ikoxle Zang mongtsik chix füi ngoüi.”

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

JUHAN 8:24

Ikhoma kue hünzom ang thüipu, hünzom a ma ochax ma ziüi; chemthüikoxle hünzome ku to ‘Ku a Ku changpu’ le ma-ong tanto hünzom a ma ochax ma zi angkya changle.”

JUHAN 6:29

Jisu-e hwom kax to lanle thüi: “Zange tsanle ahüikya mix to ong angkya a hünzom hanpakma Zang mongtex mwot changpu.”

JUHAN 3:5

Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

JUHAN 6:35

Jisu-e hwom ang thüi: “Khüzün süt a ku changpu; Owa ku hato hüiüihex chix ang wok münano ilaxle ku to ongkya mix ang otuechu ti münalan;

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

MARK 1:15

Üntoxle chixe thüi: “Chaxwan zanghan nguile hüiüna ilaxle Zang Wangting a chaknam ma tüile; hünzom ma ochaxbu tokya mong chatlax ilaxle Kaxho müikya to onglax!”

WANGSHEMBU MWOT 22:16

Idaile athax chem shen ngo angkya tüipu. Zolax, ilaxle bapti lax ilaxle chix mün lünkya tokhange nang ochax sole awütlax.’

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

KAXHO MÜIKYA LUK 8:12

Lomtang fole dütkyabu tsaxtsang a, chix kax atatkyabu hanpak changle; atat daokoxlechu mongong hia khosün füi atsaile naxngo ang hwom kün-mong tokya Zang Kaxho haxshix nguilaxle pale pao.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

ROM NOK HATO ZAKYA POL LAIZA 4:24

Jowanpa Jisu Khrista zidaokya chatle azünkya Zang to ongkyabu opang atsaole laxüihex, kem pangnu hanpak ang ibu zakya changle.

2 THESALONIKA 2:12

Ifüima ile changüi, opangsae otsingtsing to mong chiong laxpuix, ikoxle ochax füi mongmüi le changlaxpuix, pangwüi ahai le awütüi!

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

ROM NOK HATO ZAKYA POL LAIZA 3:6

Ile jao münchangüi! Zang jangthai dao thüiba, chixe khünaknüsa ang kaxfün chemle faüi?