MARK 15:14 - OTSAO BAIBEL (BSI)

¹⁴ Pitar-e hwom ang thüi: “Büthüikoxle? Chixe chem zia ama daopu?” Anaolechu hwom süchongle mix akhong: “Chix a takle langdao.”

MARK 15:14 ပူးပေါင်းရင်းမြစ်များ

KAXHO MÜIKYA LUK 23:41

Üntoxle künyie nang olom ma koplaxpu; chemthüikoxle künyie nang künyie mokdaokya tha thompu. Ikoxle ija mixsüne thaikya mwot chemchu chimok.”

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

WANGSHEMBU MWOT 19:34

Ikoxle chix a Jehudi khünak changle le hwome awankya zuma, hwom pangwüie ijaja wüi zexle khonta anyi tukux “Efisia angkya Artema achongkya wüi changle”, le akhong.

JUHAN 19:6

Nguakhobu hia apün awangkyabue chix ngünkya zuma akhongle thüi: “Chix pünsak ma takkox! Chix pünsak ma takkox!” Pilat-e thüi: “Hünzome hünzom lualua to paolaxle chix taklax; ikoxle kue chix ma thaikya chemchu münatak.”

JUHAN 18:38

Pilat-e chix ma atüi: “Ija Otsingtsing a chem?” ija akax füima chatlechu homtho to lai laxle Pilat-e Jehudi khünakbu füi akax: “Kue ija khünak ma thaikya chemchu münatak.

KAXHO MÜIKYA LUK 23:47

Süpahi akhokyae, chempangle changpuix ibu ngünlaxle Zang mün achuakle thüi: “Otsingtsingma chix a sukya khünak wüi changdaoa.”

KAXHO MÜIKYA LUK 23:21

Ikoxle hwom chatle akhong: “Chix takle langdao! Chix takle langdao!”

KAXHO MÜIKYA LUK 23:4

Ifüima Pilat-e nguakhobu hia khünaknu ang thüi: “Kue ija mixsün ma kaxfe ang asule thaikya kha chemchu münatak.”

MATHI 27:54

Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

MATHI 27:19

Pilat kaxfün tüntong ma thungle tüiponge, chix kakonue chix hato kaxho tuita ahüi: “Ija otsao khünak to nange chemlechu taxmok; chemthüikoxle awün wünmang chito chix bama ku ang tüle sikngün daoa.”

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

ISAIA 53:9

Chixe mütkopkya chemchu chitüi koxlechu, chichangba kaxfax tuita akaxkya kha chitüi koxlechu; Ochax khünakbu füi tomle chix a zuk-khato sho, chix a hakpabu füi tomle akhün.”

ISAIA 53:3

Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

MÜNCHUAK-TSAI 69:4

Opange amuamuale ku to tsak-khule ngolaxpuix hwom a ku khangmun füi ngaxchu lüile tüile. Ku zanpabue ku bama khualople zangwünle; hwom ma tsak-zong tüile ilaxle hwome ku mik-amüt-sele tsule. Kue chiahuxkya tuina hwome ku ma tsangle.

MARK 15:13

Hwome akhongle thüi: “Chix a takle langdao.”

MARK 15:15

Ikoxle Pitar-e khünaknu mongzom amüi ang, hwom hato Barabba danle alai, ifüima Jisu a müikhwon zu füi fit ilaxle lang ang owüiole kox.

WANGSHEMBU MWOT 13:28

Üntoxle hwome chix lang ang koxtang kaxfyet chiatak kox ngaxchu, hwome chix lang ang wüi shongkox fa le Pilat atsang.