MARK 14:7 - OTSAO BAIBEL (BSI)

⁷ Chitüi chinang zasabu hünzom füi othuithuima ngo angkya changle, ilaxle hünzome otue fongse tsuüi hex, tütatuechu hünzome hwom to fong ang tsuak. Ikoxle ku a hünzom füi othuithuima ngoüi chichang.

MARK 14:7 ပူးပေါင်းရင်းမြစ်များ

TSAITONG-KAXTONG 15:11

Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

MATHI 26:11

Chitüi chinangkyabu hünzom füi othuithuima ngo angkya changle, ikoxle ku a hünzom füi othuithuima ngo angkya chichang.

FILEMON 1:7

Ku mongkün tüinao, nang mongküne ku ang tüle mongmüi tamchu mongchyen fale. Nange Zang khünaknu kün-mong azünle zo ang tomdaoa.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

JUHAN 17:11

Athax ku nang hato hüile ngopu; ku a chaxwannu ma chitüi; ikoxle hwom a chaxwannu ma ngo angkya changle. Otsao Apa, kem chemle tuita hex, ija ningle hwomchu wüi tuita ma naxngo ang, nange ku ang koxkyabu ang nang mün ma tüikya tsakzong füi sünle thomhüi.

JUHAN 16:28

Ku a Apa tokhange hüipu ilaxle chaxwannu to nguipu; ikoxle athax a kue chaxwannu dantoxüi ilaxle Apa hato paoüi.”

JUHAN 16:5

Ikoxlechu athax ku a, ku tsanle ajokya mix hato chatüi, ikhoma hünzom khama owaechu ‘Nang ochi to pao angkya?’ le ku ma chiatüi.

JUHAN 13:33

Ku naosombu, athaxpi ku hünzom füi aluile ngoüi münchang. Hünzome ku lomüi; kue Jehudi nok pünpa-chongwangbu füi akaxdaokya ningle hünzom angchu thüipu, ku pao angkya khato hünzom ngui ang münthoüi.

MARK 14:6

Ikoxle Jisu-e thüi: “She to taxtsa ngokox! She to hünzome büthüikoxle poxle ngopu? Ija a she-e ku zongto müikya mwot mokkya changpu.