MARK 14:62 - OTSAO BAIBEL (BSI)

⁶² Jisu-e lan: “Changpu ku a; üntoxle hünzome Khünak Hosa, Khüthak Zang tsaxchi ma, thungle ngokya hia ding tokya, zangfwom ma jukya ngünüi!”

MARK 14:62 ပူးပေါင်းရင်းမြစ်များ

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

MARK 13:26

Ifüima Khünak Hosa tüle zaxzangle tamchu ngamle zangfwom ma juüi.

MATHI 24:30

Ifüima ding to Khünak Hosa münwan laiüi; ifüima chaxwannu angkya khünaknu sopüi; ilaxle hwome Khünak Hosa zangfwom ma tsakzong le tamchu fuazangle jukya ngünüi.

MATHI 26:64

Jisu-e chix kax to lan: “Nange wüi akax dao ngünlaxle. Ikoxlechu kue hünzom pangnu ang thüipu: Hünzome athax makhange Khünak Hosa, Khünthak Zang tsaxchi ma ngolaxle, nguikya ding to zangfwom ma ngünüi.”

KAXHO MÜIKYA LUK 22:69

Ikoxle athax makhange Khünak Hosa a Khüthak Zang tsaxchi ma thungüi.”

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

IBRI 8:1

Kwome wünle hüikya kaxmik pangnu a: Otsao Chongwang ngwotnui ma Zang tsaxchi ma thungle kem ang Nguakho tuita tüile.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

KAXHO MÜIKYA LUK 23:3

Pilat-e chix ma atüi: “Nang Jehudi nok wanghom changchami?” Jisu-e lan: “Ija nange akaxdaoa.”

MARK 15:2

Pitar-e chix ma kax atüi: “Nang Jehudi nok wanghom changcha hex?” Jisu-e lanle chix ang thüi: “Nange wüi akaxdao ngünlaxle.”

MATHI 27:11

Jisu a Roman Gowarnor pomtho ma ajong. Chixe atüi: “Nang Jehudi nok wanghom hia?” Jisu-e lan: “Nange akaxdaoa!”

2 PITAR 1:16

Kem Jowanpa Jisu Khrista zaxzangle nguikya bama hünzom ang tsingle lax ang tom pongma kwome khünake zingle alaikya pukax to ongle chingo; ikoxlechu kwome ma mik füi chix fuazang ngündaokya mo wünpu.