MARK 14:31 - OTSAO BAIBEL (BSI)

³¹ Pitar-e sisile kaxshing kople akax: “Ku nang füi tomle zi angkya changkoxchu, kue nang müntsing le otuechu münthüi!” Wangshem mamabuechu ile wüi akax.

MARK 14:31 ပူးပေါင်းရင်းမြစ်များ

JUHAN 13:37

Pitar-e chix ang thüi: “Jowanpa, chem khoma kue athax nang man to ang chitho angkya? Ku nang bama zi angkya kople achwon ngopu.”

LAIPAO 19:8

Ijama khünaknu pangnue notomle lan: “Jowanpae chem akax daopuix ibu pangwüi kwome moküi.” Mosa-e ija Jowanpa hama wün.

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

JEREMIA 10:23

Jowanpa, ma khüzün oshuk-oza ma chak ma koplaxle ngokya mix owachu müntüi; ma khüzün ma chak ma koplax ngokya kwom opupuchu müntüi.

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

WANWÜNKAX 18:24

Züizüi zuikhui ashemkya otsün münlo, ikoxlechu zuikhui züizüi a pa-sa tüinao füi ngaxchu sümüi.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

2 WANGHOMBU 8:13

Hazael-e atüi: “Ku chemngax chichangkya khünake ipongpongle mok ang ojong tokya tsak-zong tüiüi?” Elisha-e akax: “Nang Siria nok wanghompa ang achang angkya Jowanpae ku hama ahole changdaoa.”

MÜNCHUAK-TSAI 30:6

Ku a kuimüi-zangmale tüile üntoxle ku füi alüile akaxle, “Ku to chemtuechu lüt ang müntho.”

MATHI 10:33

Ikoxle khünak thüntho ma owawae ku pongle chikop thüikoxle kuechu zangkangting to ngokya Apa thüntho ma chix pongle münkop.

MARK 14:30

Jisu-e Pitar ang thüi: “Otsingtsingma kue nang ang thüipu, awün o anyi ma mahaba wüi, nange ku müntsing hex le othom azom ma atseüi.”

MARK 14:32

Hwom Getseman le nyakkya tsawat jongtakha to ngui. Chixe wangshembu ang thüi: “Kue zangjop pongma hünzompi ikhama nuithün.”

KAXHO MÜIKYA LUK 23:23

Hwom ding-zak otukux kapuix itukux Jisu a lang angkya wüile akhongle ngo, üntoxle oshukma hwom akhongkyae wüi lütle shu.

1 WANGHOMBU 11:22

Wanghompa-e atüi: “Büthüikoxle? Kue nang to hume ang chithole le hia? Ikhoma nang homchi towüi chat-sele mongtsu puixnyi?” Hadad-e lan: “Ku a chat angkya wüi changle.” Ilaxle chix a hwom chaxwan to chat. Edom nok wanghom ang ngolaxle Hadad a Israel nok zongto tüle shixkya zanpa ang achang.

MARK 10:39

Okhie chix ang thüi: “Kukhie thoüi.” Jisu-e hokhi ang thüi: “Kue oja pe ling angkya hex ija pe ma hünkhie ling ang thokoxlax, tamchu ku baptikya olom ma bapti angchu thokoxlax;