MARK 13:8 - OTSAO BAIBEL (BSI)

⁸ Chaxwan tuita ata chaxwan füi azanüi; wangting tuita ata wangting füi azanüi; pangnu khato bütix siüi tamchu otui onuak tüiüi. Ijabu a naongün wokkak owang ningle changpu.

MARK 13:8 ပူးပေါင်းရင်းမြစ်များ

MATHI 24:8

Ibu pangnu wüi naongün wokkak owang wangkya ningle changpu.

ISAIA 37:3

Ija a chixe Isaia füi akax ang tomkya hwom kaxho: “Anyix a sikngün ngokya nyix changle; kwom to sikangünle ilaxle ahaile. Kwom a sheko mixnu tuita, she ma zong a ojao chitüi ikoxlechu nao pux ang azongle ngokya ningle changpu.

MÜNCHUAK-TSAI 48:6

Sheko mixnu tuita nao ngünüi khakha tüikya ningle, zangchei zangwat khato chunbu to single hüikya ningle,

MIKNGÜN-OHÜN 6:4

Man mama man-khi tuita lai. Ija mankho ma ngale tüikya mixsün ang, khünak tata alang ahuakle chaxwannu ma zan alai angkya kox. Chix ang chongkya changlo tuita atwon.

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

WANGSHEMBU MWOT 11:28

Hwom kha angkya mixsün tuita Agapa le amünkya mix ajong üntoxle Otsao Chasa zong makhange chaxwannu pangnu khato tuinu nuaknu chwonle wüi hüi angkya bama aje. (Iponge Klaodia a chongwang ang tüikya).

ZEKARIA 14:13

Ipongma Jowanpae hwom huanuma jepakya hia chazakya tüi ang tomüi ilaxle hwome ma zui ma tüikya khünak to soxle shingle tata zan to kakya tüiüi.

HAGAI 2:22

ilaxle wangtingbu tsungle thokle hwom tsak-zong amütüi khakha. Kue man-kanlin hia ija ahamkya khünakbu asongle thoküi; manbu a zile paoüi ilaxle ibu zopkya khünakbue tata alang-ahuakle changüi.

JEREMIA 50:43

Babilon nok wanghompa-e ija kaxho atat, ilaxle chix chak a faile tang. Chix a mongtsik-mongmae kop, ija a shekonu tuitae nao ngün ang kakkya ningle chang.

JEREMIA 49:24

Damaska angkya khünaknu ma zong müntüi ilaxle hwom a chasa samle jao awukle pao. Hwom a sheko tuitae nao ngünüi ningle tsütle kakkya hia khosam ma ngo.

JEREMIA 25:32

Thomshix-thama a onok tuita füima onok tuita hato hüi angkya, ilaxle haxtua-zangnam ochu to zangchei chongkya athütle tüikya kax Khüthak Jowanpae akaxdaoa.

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

JEREMIA 13:21

Nange zuikhuile thütle ngokyabue nang to lüt ilaxle nang to apün-adale jangchangba nange chemle thüiüi? Sheko mixnu tuita to nao ngün wok kakpupule nang to kaküi.

JEREMIA 6:24

Jerusalem angkya khünakbue thüi: “Kwome kaxho atatdaoa, ilaxle kwom chakbu a ofai-oshok ang achangdaoa; kwom a sikngün-mongthange sheko tuita nao ngün wok-kake koppupule kople amütdaoa.

ISAIA 19:2

Jowanpae thüile: “Kue Ijip nok ma nokpu zan lai ang tomüi ilaxle tüita-naopa hia tomzi-longzi bama tata zan to kale chang ang tomüi. Tingnu hia tingnubu, wanghom hia wanghombu tsak-zong ma atinle tata füi achax-azan ang tomüi.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

2 PUKAX-PANGAO 15:6

Zang-e hwom hato thama-thomshix apüile ngokoxle onok tuita mama nok to afangle thom, ilaxle tingnu tuitae ata tingnu to afangle thom.

ISAIA 29:6

Jowanpa Khüthak Zang-e zangchei-zangwat hia bütix sikya füi nang khosünle kopüi. Chixe zangchei chongkya hia wünnu ahüiüi;

MARK 13:7

üntoxle nuisox hia tsailo to zan zing atat pongma hünzom taxaban, ijabu a chang angkya jao; ikoxlechu oshuk hüile ngoüna le münchang.

MARK 13:9

“Ikoxle hünzom ma hanpakma khünkhi lax, chemthüikoxle hünzom a kop laxle khwa to kaxfün ang paoüi; Sinagok ma hünzom to chak moküi; ilaxle Gowarnor hia wanghombu pomtho to ku hanpakma kaxkhi fa ang hünzom ajongüi.