MARK 13:27 - OTSAO BAIBEL (BSI)

²⁷ Ijama chix kaxtaimixbu apaoüi ilaxle tüchikao chaxwannu shuk makhange tüchikao zangding tua alople, Zange kamle thomdaokyabu ozong ali tokhange asoxüi.

MARK 13:27 ပူးပေါင်းရင်းမြစ်များ

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

TSAITONG-KAXTONG 30:4

Hünzom chaxwannu haxtua-zangnam nok to ngole asu koxlechu, Jowanpa hünzom Zang-e pangwüi athüt ang tomüi ilaxle hünzom haxtok to tamchatle apüiüi.

2 THESALONIKA 2:1

Kem Jowanpa Jisu Khrista ngui angkya bama ilaxle chix füi tomle asox angkya bama; tüinaohom, kue hünzom ang thüipu,

KAXHO MÜIKYA LUK 16:22

“Ifüima jusax mix zi, üntoxle kaxtaimixbue chix Abraham zuima thung ang zangkangting fongkhat nui to pao. Hakpa sünchu wüi zi ilaxle akhün.

MARK 13:20

Ikoxlechu Jowanpa-e ibu hanpak amoxdaoa; ile chichang thüikoxle khünak owachu ozün ma ngotsuak angkya fang münchang. Ikoxlechu kamle kopdaokyabu hanpak ang, chixe ijabu hanpak amoxdaoa.

MATHI 13:41

Khünak Hosae chix kaxtaimixbu tsanle apaoüi; chix Wangting bama chikho asua ang koxkyabu hia mix ang ochax lyen ang tomkyabu pangwüi afoxüi;

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

ROM NOK HATO ZAKYA POL LAIZA 8:33

Zang, chixe ngaxchu münthaile thüi! Ikoxle chixe kamle kopkyabu ma thaile le huxfe angkya mix owa tüi?

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

KAXHO MÜIKYA LUK 18:7

Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

MATHI 13:49

Chaxwannu oshuk ile changüi: Kaxtaimixbu nguiüi, ilaxle tsaokya khünakbu kha tokya chitsaokya khünakbu süiüi;

MATHI 12:42

Handünchi tokya wangchanu Sheba-e ija tsünthom füi kaxfün nui to ajongüi ilaxle ija tsünthom ajaoüi; chemthüikoxle chaxwannu oshuk tokya she a Solomon hwon-je to apa ang nguipu ikoxle hulax, Solomon füi süchongkya tuita ikhama tüile.

ISAIA 65:9

Judah jat-li Israel nok to kue mohimanüi, ilaxle hwom su-sabue ku haxtok angkya haxnubu kopüi. Kue kamle kopkya khünaknu, owae ku thothale changpuix, ibu a ikhato ngoüi.

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

MARK 13:28

“Fupsa pün makhange kaxpan awanle koplax. Otue osong dongle ochak chuiüi hex, hünzome tsonu nguiüna le awan ang kople.